ಶತಮಾನಗಳ ಇತಿಹಾಸ ಹೊಂದಿರುವ ಮಾವಳ್ಳಿ ಜಾತ್ರೆಗೆ ಕ್ಷಣಗಣನೆ

ಯಲ್ಲಾಪುರ: ಐದು ವರ್ಷಗಳಿಗೊಮ್ಮೆ ನಡೆಯುವ ಯಲ್ಲಾಪುರ ತಾಲೂಕಿನ ಕನ್ನಡಗಲ್ ಗ್ರಾಮದ ಪ್ರಸಿದ್ಧ ಮಾವಳ್ಳಿ ಜಾತ್ರೆಗೆ ಕ್ಷಣಗಣನೆ ಆರಂಭವಾಗಿದೆ .ಫೆಬ್ರುವರಿ 19 ಬುಧವಾರದಿಂದ  ಫೆಬ್ರವರಿ 27 ಗುರುವಾರದವರೆಗೂ 9 ದಿನಗಳ ಕಾಲ ಜಾತ್ರೆ ನಡೆಯಲಿದೆ.

ಮಾವಳ್ಳಿ ದೇವಸ್ಥಾನಕ್ಕೆ ಶತಮಾನಗಳ ಇತಿಹಾಸವಿದೆ ಮಾವಳ್ಳಿ ದೇವಸ್ಥಾನದ ಮೂಲ ಪೀಠ ಇರುವುದು ಕನ್ನಡಗಲ್. ಗ್ರಾಮದಲ್ಲಿ .ಇಲ್ಲಿರುವುದು ಕಾಷ್ಟ, ಮೂರ್ತಿಗಳು ಇದಕ್ಕೆ ಪುಷ್ಟಿ ನೀಡುವಂತೆ ಎರಡು ತಿಂಗಳ ಹಿಂದೆ ಅಷ್ಟಮಂಗಲ ಪ್ರಶ್ನೆಯನ್ನಿಟ್ಟಾಗ ಊರಿನ ತೋಟದ ಕೆರೆಯಲ್ಲಿ ಭದ್ರಕಾಳಿ ಮೂರ್ತಿ ದೊರೆತಿದೆ. ಈಗ ಇದನ್ನು ಮೂಲ ಪೀಠದಲ್ಲಿ ಇಡಲಾಗಿದೆ. ಹಿಂದೆ ಈ ದೇವಾಲಯ ರಾಜಾಶ್ರಯ ಒಳಪಟ್ಟ ಬಗ್ಗೆ ಅನೇಕ ಕುರುಹುಗಳು ಲಭ್ಯವಿದೆ

ಇನ್ನೊಂದು ಐತಿಹ್ಯ ಪ್ರಕಾರ ಇಲ್ಲಿರುವ ದೇವಿಯರು ಮತ್ತು ಶಿರಸಿ ಮಾರಿಕಾಂಬೆ ಮತ್ತು ಸಾಗರ ಮಾರಿಕಾಂಬೆಯರು ಸೋದರಿಯರಂತೆ ಒಟ್ಟು ಏಳು ಜನ ಸೋದರಿಯರು ಭಕ್ತ ಆನುಗ್ರಕ್ಕಾಗಿ ಯಲ್ಲಾಪುರ,ಶಿರಸಿ, ಸಾಗರದಲ್ಲಿ  ನೆಲೆನಿಂತಿದ್ದಾರೆ ಎನ್ನಲಾಗಿದೆ ಈ ಎಲ್ಲ ದೇವಿಯರ ಜಾತ್ರಾವಿಧಿ ವಿಧಾನಗಳು ಒಂದೆ ರೀತಿಯಾಗಿರುವುದು ವಿಶೇಷವಾಗಿರುತ್ತದೆ.

1923ರಲ್ಲಿ ಇಡೀ ಯಲ್ಲಾಪುರ ತಾಲೂಕು ಕಾಲರದಿಂದ ತತ್ತರಿಸಿತ್ತು ಸಾವಿರಾರು ಜನರು ಪ್ರಾಣ ಕಳೆದುಕೊಂಡರು ಅನೇಕರು ಊರನ್ನೇತೊರೆಯುವಂತಾಯಿತು .ಈ ಸಂದರ್ಭದಲ್ಲಿ ತಾಲೂಕಿನ ಅನೇಕ ಜಾತ್ರೆಗಳು ಉತ್ಸವಗಳು ನಿಲ್ಲುವಂತಾಯಿತು. ಈ ಅನಿವಾರ್ಯ ಸಂದರ್ಭದಲ್ಲಿ ಮಾವಳ್ಳಿ ಜಾತ್ರೆಯು ನಿಂತು ಹೋಯಿತು 61 ವರ್ಷಗಳ ನಂತರ 1984ರಲ್ಲಿ ಪುನಃ ಜಾತ್ರೆ ಪ್ರಾರಂಭವಾಯಿತು.

ಜಾತ್ರಾ ಆಕರ್ಷಣೆ 9 ದಿನಗಳ ಕಾಲ ನಡೆಯಲಿರುವ ಈ ಜಾತ್ರೆ ಅನೇಕ ವಿಶೇಷಗಳಿಂದ ಕೂಡಿರುತ್ತದೆ .ಜಾತ್ರ ಪೂರ್ವದಲ್ಲಿ ನಾಲ್ಕು ಹೊರಮಂಗಳ ವಾರಗಳನ್ನು ಆಚರಿಸಲಾಗುತ್ತದೆ ಊರಿನ ಜನರು ಮನೆಗೆ ಬೀಗ ಹಾಕಿ ತೆರಳುತ್ತಾರೆ ದೇವರು ಈ ಸಂದರ್ಭದಲ್ಲಿ ತಮ್ಮ ಮನೆಗೆ ಭೇಟಿ ನೀಡುತ್ತಾರೆ ಎಂಬುದು ಭಕ್ತರ ನಂಬಿಕೆ. ಜಾತ್ರ ಪ್ರಾರಂಭ ದಿನ ಸಂಜೆ ದೇವಿಯನ್ನು ದೇವಸ್ಥಾನದಿಂದ ಜಾತ್ರಾ ಮಂಟಪಕ್ಕೆ ಮೆರವಣಿಗೆಯಲ್ಲಿ ಕರೆತರಲಾಗುತ್ತದೆ.

ದೇವಿಯರನ್ನುಭಕ್ತರು ಪೀಠದಲ್ಲಿರಿಸಿ ತಲೆ ಮೇಲೆ ಹೊತ್ತು ತರುವ ದೃಶ್ಯ ನೋಡಲು ಮನಮೋಹಕವಾಗಿರುತ್ತದೆ ದೇವರು ಜಾತ್ರಾ ಮಂಟಪದ ಗದ್ದುಗೆಯಲ್ಲಿ ಆಸೀನರಾದ ನಂತರ ಭಕ್ತಾದಿಗಳು ಹರಕೆ ಉಡಿ ತುಲಾಭಾರ ಮುಂತಾದ ಸೇವೆಗಳನ್ನು ಮಾಡಲಾಗುತ್ತದೆ.

ಜಾತ್ರಾ ಮುಕ್ತಾಯ, ಈ ಸಲದ ಮಾವಳ್ಳಿ ಜಾತ್ರೆ ಮಹೋತ್ಸವ ಫೆಬ್ರವರಿ 27ರಂದು ಸಂಪನ್ನವಾಗಲಿದ್ದು ಮಾರ್ಚ್ 14ರಂದು ವಿವಿಧ ಧಾರ್ಮಿಕ ವಿಧಿ ವಿಧಾನಗಳೊಂದಿಗೆ ದೇವಿಯರನ್ನು ದೇವಾಲಯದಲ್ಲಿ ಪುನರ್ ಪ್ರತಿಷ್ಠಾಪನ ಮಾಡಲಾಗುತ್ತದೆ.