---------
ಯಲ್ಲಾಪುರ: ಉತ್ತರ ಕನ್ನಡ ಜಿಲ್ಲೆಯ ಯಲ್ಲಾಪುರ ತಾಲ್ಲೂಕು ಭೂ ನ್ಯಾಯಮಂಡಳಿಗೆ ನಾಲ್ವರು ಅಧಿಕಾರೇತರ ಸದಸ್ಯರನ್ನು ರಾಜ್ಯಪಾಲರ ಆಜ್ಞಾನುಸಾರ ನಾಮನಿರ್ದೇಶನ ಮಾಡಲಾಗಿದೆ. ಕಂದಾಯ ಇಲಾಖೆ (ಭೂ ಸುಧಾರಣೆ) ಸರ್ಕಾರದ ಅಧೀನ ಕಾರ್ಯದರ್ಶಿ ಆರ್. ಗೌರಮ್ಮ ಅವರು ಈ ಆದೇಶ ಹೊರಡಿಸಿದ್ದಾರೆ.
ಶಿರಸಿ ಉಪ ವಿಭಾಗ ಸಹಾಯಕ ಆಯುಕ್ತರು ಭೂ ನ್ಯಾಯ ಮಂಡಳಿಯ ಅಧ್ಯಕ್ಷರಾಗಿದ್ದಾರೆ. ಪೂಜಾ ನಾಗರಾಜ ನೇತ್ರೇಕರ ಯಲ್ಲಾಪುರ ಪರಿಶಿಷ್ಟ ಜಾತಿಯ ಸದಸ್ಯರಾಗಿ ನಾಮನಿರ್ದೇಶನಗೊಂಡಿದ್ದಾರೆ. ಇನ್ನು ವಿಕಾಸ ನಾಯ್ಕ ಮಂಚಿಕೇರಿ, ಅಣ್ಣಪ್ಪ ಡಿ. ನಾಯ್ಕ ಕಣ್ಣಿಗೇರಿ, ಜಗ್ಗು ರಾಮು ಹುಂಬೆ ಹೊಸಳ್ಳಿ ಸಾಮಾನ್ಯ ಸದಸ್ಯರಾಗಿ ಆಯ್ಕೆಯಾಗಿದ್ದಾರೆ. ಯಲ್ಲಾಪುರ ತಹಶೀಲ್ದಾರರು ಮಂಡಳಿಯ ಸದಸ್ಯ ಕಾರ್ಯದರ್ಶಿಯಾಗಿದ್ದಾರೆ. ಈ ನಾಮನಿರ್ದೇಶನದಿಂದ ಯಲ್ಲಾಪುರ ತಾಲ್ಲೂಕಿನ ಭೂ ವಿವಾದಗಳನ್ನು ಪರಿಹರಿಸುವಲ್ಲಿ ಹೆಚ್ಚಿನ ಸುಗಮತೆ ಲಭಿಸಲಿದೆ ಎಂದು ನಿರೀಕ್ಷಿಸಲಾಗಿದೆ. ಭೂ ನ್ಯಾಯಮಂಡಳಿಯ ಕಾರ್ಯವೈಖರಿಯಲ್ಲಿ ಪಾರದರ್ಶಕತೆ ಹಾಗೂ ಜನಸ್ನೇಹಿ ವಾತಾವರಣ ನಿರ್ಮಾಣಕ್ಕೆ ಈ ನಾಲ್ವರು ಸದಸ್ಯರು ಸಹಕಾರಿಯಾಗಲಿದ್ದಾರೆ ಎಂಬ ನಂಬಿಕೆ ಜನರಲ್ಲಿದೆ.
ಯಲ್ಲಾಪುರ / ಬೆಂಗಳೂರು : ಬೆಂಗಳೂರಿನ ಫ್ರೀಡಂ ಪಾರ್ಕಿನಲ್ಲಿ ಅ.4ರಂದು ಪಂಚಾಯತ್ ರಾಜ್ ಕುಟುಂಬ ರವರಿಂದ ಬೃಹತ್ ಪ್ರತಿಭಟನೆ ನಡೆಯಿತು. ಯಲ್ಲಾಪುರ ತಾಲೂಕಿನಿಂದ ಪಂಚಾಯತ ರಾಜ್ ಪ್ರತಿನಿಧಿಗಳು ಒಕ್ಕೂಟದ ಅಧ್ಯಕ್ಷ ಎಂ ಕೆ ಭಟ್ ಯಡಳ್ಳಿ ನೇತೃತ್ವದಲ್ಲಿ ತಂಡ ತೆರಳಿ ಪ್ರತಿಭಟನೆಯಲ್ಲಿ ಭಾಗವಹಿಸಿತು. 
ನಮ್ಮ ಯಾವುದೇ ಬೇಡಿಕೆಗಳನ್ನು ಈಡೇರಿಸುವ ಭರವಸೆ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿ ಅವರಿಂದ ಬಂದಿಲ್ಲ ಆದ್ದರಿಂದ ಧರಣಿ ಮುಂದುವರಿಸುತ್ತೇವೆ. ಶನಿವಾರವು ಗ್ರಾಮ ಪಂಚಾಯಿತಿಗಳಲ್ಲಿ ಯಾವುದೇ ಸೇವೆ ದೊರಕುವುದಿಲ್ಲ ಎಂದು ಒಕ್ಕೂಟದ ಪ್ರಮುಖರು ತಿಳಿಸಿದರು. 
ಇಂದು ಅಕ್ಟೋಬರ್ 5 ರಂದು ಮುಂದುವರೆದ ಭಾಗವಾಗಿ ಮಂತ್ರಿಗಳು ಬಂದು ಮನವಿ ಸ್ವೀಕಾರ ಮಾಡಿ ಆಶ್ವಾಸನೆ ಸಿಗುವವರೆಗೂ ಪ್ರತಿಭಟನೆಯನ್ನ ಮುಂದುವರೆದು ಹೋಗಬೇಕೆಂದು ತೀರ್ಮಾನಿಸಲಾಯಿತು.
ನಮ್ಮ ಪ್ರತಿಭಟನೆಯಲ್ಲಿ ಚಲುವಾದಿ ನಾರಾಯಣಸ್ವಾಮಿ ವಿರೋಧ ಪಕ್ಷದ ನಾಯಕರು, ವಿಧಾನ ಪರಿಷತ್ ಸದಸ್ಯ ಯಲ್ಲಾಪುರದ ಶಾಂತರಾಮ ಸಿದ್ದಿ ಮುಂತಾದವರು ಬಂದು ನಮ್ಮ ನಮ್ಮ ಪ್ರತಿಭಟನೆಯಲ್ಲಿ ಭಾಗಿಯಾಗಿ ಬೆಂಬಲವನ್ನು ಸೂಚಿಸಿದರು. 
ಯಲ್ಲಾಪುರ: ಪಟ್ಟಣದ ಡಿಟಿ ರಸ್ತೆಯ ಬಾಳಗಿ ಕಾಂಪ್ಲೆಕ್ಸ್ ನಲ್ಲಿ ಜುಲೈ 1ರಿಂದ ಪ್ರಾರಂಭವಾಗಿರುವ ಧನೀಷ್ ಎಂಟರಪ್ರೈಸಸ್ (ಬಂಗಾರದ ಖರೀದಿದಾರರು) ಗ್ರಾಹಕರು ಮಾರಲು ಇಚ್ಚಿಸುವ ಬಂಗಾರದ ಆಭರಣಗಳಿಗೆ ಉತ್ತಮವಾದ ಬೆಲೆಯನ್ನು ನೀಡಿ ಕೊಂಡು ಕೊಳ್ಳುತ್ತಾರೆ. 
ಧನೀಷ್ ಎಂಟರಪ್ರೈಸಸ್, ಆನ್ಲೈನ್ ದರವನ್ನು ಅನುಸರಿಸಿ ನಿಮ್ಮ ಚಿನ್ನಕ್ಕೆ ಯೋಗ್ಯ ಬೆಲೆಯನ್ನು ನೀಡುತ್ತದೆ. ಇದು ಗ್ರಾಹಕರಿಗೆ ಬಹಳ ಪ್ರಯೋಜನಕಾರಿಯಾಗುತ್ತದೆ. ನಿಮ್ಮ ಚಿನ್ನಕ್ಕೆ ಉತ್ತಮ ಬೆಲೆಯನ್ನು ನೀಡುತ್ತಾರೆ: ಗ್ರಾಹಕರು ತಮ್ಮ ಹಳೆಯ ಬಂಗಾರದ ಆಭರಣಗಳನ್ನು ಮಾರಲು ಬಂದಾಗ, ಧನೀಷ್ ಎಂಟರಪ್ರೈಸಸ್ ಅತ್ಯುತ್ತಮ ಬೆಲೆಯನ್ನು ನೀಡುತ್ತದೆ, ಇದು ಬಂಗಾರದ ಮೌಲ್ಯವನ್ನು ಸಮರ್ಪಕವಾಗಿ ಗುರುತಿಸುವುದಕ್ಕೆ ಸಹಾಯ ಮಾಡುತ್ತದೆ. 
ಗ್ರಾಹಕರು ತಮ್ಮ ಹಳೆಯ ಬಂಗಾರದ ಆಭರಣಗಳನ್ನು ಮಾರಲು ಬಂದಾಗ, ಧನೀಷ್ ಎಂಟರಪ್ರೈಸಸ್ ಅತ್ಯುತ್ತಮ ಬೆಲೆಯನ್ನು ನೀಡುತ್ತದೆ, ಇದು ಬಂಗಾರದ ಮೌಲ್ಯವನ್ನು ಸಮರ್ಪಕವಾಗಿ ಗುರುತಿಸುವುದಕ್ಕೆ ಸಹಾಯ ಮಾಡುತ್ತದೆ. 
ಧನೀಷ್ ಎಂಟರಪ್ರೈಸಸ್ ಯಾವುದೇ ಸರ್ವಿಸ್ ಚಾರ್ಜ್ ಅನ್ನು ಗ್ರಾಹಕರಿಂದ ವಸೂಲು ಮಾಡುವುದಿಲ್ಲ ಎಂದು ಮಾಲಿಕರಾದ ಕಿರಣ ಭೋವಿ ತಿಳಿಸಿದ್ದಾರೆ.
ಧನೀಷ್ ಎಂಟರ್ಪ್ರೈಸಸ್ ನಲ್ಲಿ, ಬ್ಯಾಂಕ್ ಅಥವಾ ಸಹಕಾರಿ ಸಂಘ ಸಂಸ್ಥೆಗಳಲ್ಲಿ ಅಡವಿಟ್ಟ ಬಂಗಾರಗಳ ಹರಾಜು ಪ್ರಕ್ರಿಯೆಯ ಪೂರ್ವದಲ್ಲಿ ಆಭರಣ ಬಿಡಿಸಿಕೊಂಡು, ಬಂಗಾರಕ್ಕೆ ಅಸಲು, ಬಡ್ಡಿ, ಇತರೆ ಖರ್ಚುಗಳನ್ನು ತೆಗೆದು ನ್ಯಾಯಯುತ ಬೆಲೆಗೆ ಬಂಗಾರದ ಆಭರಣ ಖರೀದಿ ಮಾಡುತ್ತೆವೆ. ಧನೀಷ್ ಎಂಟರಪ್ರೈಸಸ್ ನಲ್ಲಿ ವಿಶ್ವಾಸಾರ್ಹ ಮತ್ತು ಸಮರ್ಪಿತ ಸೇವೆಯನ್ನು ನೀವು ನಿರೀಕ್ಷಿಸಬಹುದು. 
ಯಲ್ಲಾಪುರ : ದುಡಿಮೆಯನ್ನೇ ಸಂಕಲ್ಪವನ್ನಾಗಿಸಿ ಕೊಂಡು ಅಪಾರ ಜನಮನ್ನಣೆಗೆ ಜನರ ಪ್ರೀತಿಗೆ ಪಾತ್ರರಾಗಿದ್ದ ಯಲ್ಲಾಪುರ ಸಬಗೇರಿ ನಿವಾಸಿ ವೆಂಕಟೇಶ ಗಂಗಾಧರ ನಾಯ್ಕ ಶನಿವಾರ ನಸೂಕಿನಲ್ಲಿ ಮಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಅಕಾಲಿಕವಾಗಿ ನಿಧನರಾದರು ಅವರಿಗೆ 58 ವರ್ಷ ವಯಸ್ಸಾಗಿತ್ತು. 
ಆಡು ಮುಟ್ಟಿದ ಸೊಪ್ಪಿಲ್ಲ ವೆಂಕಟೇಶ್ ನಾಯ್ಕ ವೆಲ್ಡಿಂಗ್ ಮಾಡಿದ ಕಟ್ಟಡಗಳು ಇಲ್ಲ ಎನ್ನುವ ಮಟ್ಟಿಗೆ ಯಲ್ಲಾಪುರದ ಹೆಚ್ಚು ಕಡಿಮೆ ಪ್ರತಿ ಮನೆ, ಶಾಪಿಂಗ್ ಕಾಂಪ್ಲೆಕ್ಸ್, ಅಂಗಡಿಗಳು ಗೂಡ ಅಂಗಡಿಗಳು, ತಳ್ಳುಗಾಡಿಗಳು, ನವ ನವೀನ ವಿನ್ಯಾಸದ ಮನೆಯ ಗೇಟುಗಳು, ಅಲ್ಮೆರಾ, ಕಪಾಟುಗಳು, ಅಷ್ಟೇ ಏಕೆ ಯಲ್ಲಾಪುರ ತಾಲೂಕ ಆಸ್ಪತ್ರೆ ಎದುರು ಕೊವಿಡ್ 19ರ ಸಂದರ್ಭದಲ್ಲಿ ನಿರ್ಮಿಸಲಾದ ವ್ಯಾಕ್ಸಿನ್ ಸೆಂಟರ್ ಕೂಡ ವೆಂಕಟೇಶ ನಾಯ್ಕ ವಿನ್ಯಾಸದಲ್ಲಿ ವೆಲ್ಡಿಂಗ್ ನಲ್ಲಿ ಮೂಡಿ ಬಂದಿದ್ದಾಗಿದೆ. ಉದ್ಯಮಿ ವಿವೇಕ್ ಹೆಬ್ಬಾರ್ ಮನೆ ವಿನ್ಯಾಸ ಗೇಟ್, ಉದ್ಯಮಿ ಬಾಲಕೃಷ್ಣ ನಾಯಕ್ ಅವರ ಮನೆಯ ಹಲವಾರು ಕೆಲಸಗಳನ್ನು ಮಾಡಿ ಸೈ ಎನಿಸಿಕೊಂಡಿದ್ದರು.