ಯಲ್ಲಾಪುರ : ಇತ್ತೀಚಿನ ದಿನಗಳಲ್ಲಿ ಯಲ್ಲಾಪುರ ಅರಣ್ಯ ಇಲಾಖೆಯ ಡಿಆರ್‌ಎಫ್ಓ ಗಸ್ತು ವನಪಾಲಕರಾದ ಅಲ್ತಾಫ್ ಚೌಕಡಾಕ್, ಶಾನವಾಜ್ ಮುಲ್ತಾನಿ, ಅಲ್ಮಾಸ್ ಬಿಜಾಪುರ, ಮೆಹಬೂಬ್ ಹಾಗೂ ಇತರ ಸಿಬ್ಬಂದಿಗಳು ಆಚರಿಸಿರುವ ಗಣೇಶೋತ್ಸವವು ಭಾವೈಕ್ಯತೆ ಮತ್ತು ಧಾರ್ಮಿಕ ಸಹಜೀವನದ ಒಂದು ನಿದರ್ಶನವಾಗಿ ಪ್ರಸಿದ್ಧಿಯಲ್ಲಿದೆ. ಈ ಅರಣ್ಯ ಇಲಾಖೆಯಲ್ಲಿ ಹಲವು ವರ್ಷಗಳಿಂದ ಗಣಪತಿ ಮೂರ್ತಿಯನ್ನು ಪ್ರತಿಷ್ಠಾಪಿಸಿ, ವಿವಿಧ ಧಾರ್ಮಿಕ ಕಾರ್ಯಕ್ರಮಗಳನ್ನು ಆಯೋಜಿಸುವ ಸಾಂಪ್ರದಾಯಿಕ ಆಚರಣೆ ಇದೆ. ವಿಶೇಷವೆಂದರೆ ಈ ಕಾರ್ಯಕ್ರಮದಲ್ಲಿ ಮುಸ್ಲಿಂ ಸಮಾಜದ ಜನರು, ಈ ಹಬ್ಬದಲ್ಲಿ ಭಾಗವಹಿಸುತ್ತಿದ್ದಾರೆ.
ಈ ವರ್ಷದ ಗಣೇಶೋತ್ಸವದಲ್ಲಿ ಅಲ್ತಾಫ್ ಚೌಕಡಾಕ್, ಶಾನವಾಜ್ ಮುಲ್ತಾನಿ, ಅಲ್ಮಾಸ್ ಬಿಜಾಪುರ, ಮೆಹಬೂಬ್ ಮತ್ತು ಅವರ ಕುಟುಂಬದವರು ಉತ್ಸವದಲ್ಲಿ ಪಾಲ್ಗೊಳ್ಳುತ್ತಾರೆ, ಸಕ್ರಿಯವಾಗಿ ಪಾಲ್ಗೊಂಡು ಮೂರ್ತಿಯ ಮಂಟಪ ಸಿದ್ಧತೆ, ಗಣಪತಿ ಮೂರ್ತಿಯನ್ನು ಕಲಾವಿದರ ಮನೆಯಿಂದ ತೆಗೆದುಕೊಂಡು ಬರುವ ಕೆಲಸ, ಮತ್ತು ಅನ್ನ ಸಂತರ್ಪಣೆಯಂತಹ ಧಾರ್ಮಿಕ ಕಾರ್ಯಗಳಲ್ಲಿ ಭಾಗವಹಿಸಿದ್ದಾರೆ. ಇಂಥ ಘಟನೆಗಳು, ನಮ್ಮ ಸಮಾಜದಲ್ಲಿ ವಿವಿಧ ಧರ್ಮಗಳು ಪರಸ್ಪರ ಗೌರವದಿಂದ ಮತ್ತು ಪ್ರೀತಿಯಿಂದ ನಡೆಯಬೇಕೆಂಬ ಮಹತ್ವದ ಸಂದೇಶವನ್ನು ಸಾರುತ್ತವೆ.
ಈ ಕಾರ್ಯಕ್ರಮವು ಅಧಿಕಾರಿಗಳ ಅಡಿಯಲ್ಲಿ ನಡೆಯುತ್ತಿದ್ದು, ಎಲ್ಲ ಸಿಬ್ಬಂದಿಗಳು ಭಾಗವಹಿಸುತ್ತಿರುವುದು ಗಮನಾರ್ಹವಾಗಿದೆ. ಮಹಾಪೂಜೆ, ವಿಧಿ ವಿಧಾನ, ಕ್ರೀಡೆಗಳು, ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳು ಹಮ್ಮಿಕೊಳ್ಳಲಾಗಿದ್ದು, ಎಲ್ಲಾ ಧರ್ಮದವರು ಈ ಉತ್ಸವದಲ್ಲಿ ಶ್ರದ್ಧೆಯಿಂದ ಪಾಲ್ಗೊಂಡಿದ್ದಾರೆ. ಕಾರ್ಯಕ್ರಮದಲ್ಲಿ ಎಲ್ಲಾ ಮುಸ್ಲಿಂ ಮತ್ತು ಹಿಂದೂ ಧರ್ಮದ ಸದಸ್ಯರು ಭಕ್ತಿ ಭಾವದಿಂದ ಭಾಗವಹಿಸಿದ್ದಾರೆ.
ಕಾರ್ಯಕ್ರಮದ ವಿವರಗಳು :
ಗಣೇಶೋತ್ಸವವು ಸೆಪ್ಟೆಂಬರ್ 7ರಿಂದ 11ರವರೆಗೆ ನಡೆಯುತ್ತಿದ್ದು, ಯಲ್ಲಾಪುರ ಅರಣ್ಯ ಇಲಾಖೆಯ ಆವರಣದಲ್ಲಿ ಪ್ರತಿದಿನವೂ ವಿವಿಧ ಧಾರ್ಮಿಕ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳು ಆಯೋಜಿಸಲ್ಪಟ್ಟಿವೆ. 7ರಂದು ಮೂರ್ತಿ ಪ್ರತಿಷ್ಠಾಪನೆಯೊಂದಿಗೆ ಉತ್ಸವ ಪ್ರಾರಂಭಗೊಂಡು, 8ರಂದು ಮಹಿಳೆಯರಿಗೆ ರಂಗೋಲಿ, ಸಂಗೀತ ಖುರ್ಚಿ ಸ್ಪರ್ಧೆಗಳನ್ನು ಆಯೋಜಿಸಲಾಗಿತ್ತು. 9ರಂದು ಪುರುಷರು ಮತ್ತು ಮಹಿಳೆಯರಿಗೆ ಕೇರಮ್ ಮತ್ತು ಚೆಸ್ ಸ್ಪರ್ಧೆಗಳು ನಡೆಯಿತು.
ಇಂದು (10 ಸೆಪ್ಟೆಂಬರ್) ಮುಖ್ಯ ದಿನವಾಗಿದ್ದು, ಗಣಹೋಮ, ಕಲಶ ಪೂಜಾ, ಮತ್ತು ಅನ್ನಸಂತರ್ಪಣೆ ನಡೆದಿವೆ. ಸಾಯಂಕಾಲದ ವೇಳೆಯಲ್ಲಿ ಸಾಂಸ್ಕೃತಿಕ ಕಾರ್ಯಕ್ರಮಗಳು, ಮತ್ತು ಬಹುಮಾನ ವಿತರಣೆ ಕಾರ್ಯಕ್ರಮವೂ ಹಮ್ಮಿಕೊಳ್ಳಲಾಗಿದೆ. 11 ರಂದು ಮಹಾಪೂಜೆ, ಫಲಾವಳಿ ಸವಾಲು, ಮತ್ತು ಮಂಗಲಮೂರ್ತಿ ವಿಸರ್ಜನೆ ಜರುಗಲಿವೆ.
ಈ ಕಾರ್ಯಕ್ರಮಗಳು ಯಲ್ಲಾಪುರ ಅರಣ್ಯ ಇಲಾಖೆಯ ಉಸ್ತುವಾರಿ ಅಧಿಕಾರಿಗಳ ನೇತೃತ್ವದಲ್ಲಿ ನಡೆಯುತ್ತಿದ್ದು, ಮುಸ್ಲಿಂ ಮತ್ತು ಹಿಂದೂ ಸಮುದಾಯದ ಸಕ್ರಿಯ ಸಹಭಾಗಿತ್ವವು ಮಹತ್ವದ ಅಂಶವಾಗಿದೆ. ಅಲ್ತಾಫ್ ಚೌಕಡಾಕ್ ಹಾಗೂ ಶಾನವಾಜ್ ಮುಲ್ತಾನಿ, ಮುಂತಾದವರು, ಈ ಕಾರ್ಯಕ್ರಮದ ಆಯೋಜನೆ, ಮೂರ್ತಿ ಪ್ರತಿಷ್ಠಾಪನೆ, ಮತ್ತು ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಪ್ರಮುಖ ಪಾತ್ರವಹಿಸಿದ್ದರು.
ಭಾವೈಕ್ಯತೆ ಮತ್ತು ಧಾರ್ಮಿಕ ಸೌಹಾರ್ದತೆ :
ಅರಣ್ಯ ಇಲಾಖೆಯ ಈ ಆಚರಣೆಗಳು, ಕೇವಲ ಧಾರ್ಮಿಕ ಹಬ್ಬವಾಗಿಯೇ ಉಳಿಯದೆ, ವಿಭಿನ್ನ ಧರ್ಮದ ಜನರು ಒಂದೆಡೆ ಸೇರಿ, ಪರಸ್ಪರ ಸಹಾನುಭೂತಿಯಿಂದ ಮತ್ತು ಗೌರವದಿಂದ ನಡವಳಿಕೆಯಿಂದ ವರ್ತಿಸಬಹುದೆಂಬ ಉದಾಹರಣೆ ಕೊಟ್ಟಿವೆ. ಇಂತಹ ಕಾರ್ಯಕ್ರಮಗಳು, ಧರ್ಮಗಳ ಅಂತರವನ್ನು ಮೀರಿಸಿ, ಸಹಜೀವನದ, ಸಹಕಾರದ, ಮತ್ತು ಸೌಹಾರ್ದತೆಯ ಜಾಲವನ್ನು ಹೆಣೆಯುತ್ತವೆ.
ಭಕ್ತಾದಿಗಳ ಅಭಿಪ್ರಾಯ:&nbಜsp;
ಯಲ್ಲಾಪುರದ ಈ ಆಚರಣೆಗಳು ಕೇವಲ ಆಡಳಿತ ಕಚೇರಿ ಮಟ್ಟದಲ್ಲಿ ಮಾತ್ರವಲ್ಲ, ಸಾರ್ವಜನಿಕರು ಮತ್ತು ವಿವಿಧ ಧಾರ್ಮಿಕ ಸಮುದಾಯಗಳ ಗಮನ ಸೆಳೆಯುತ್ತಿವೆ. ಡಿಆರ್‌ಎಫ್ಓ ಗಸ್ತು ವನಪಾಲಕರಾದ ಅಲ್ತಾಫ್, ಶಾನವಾಜ್, ಮತ್ತು ಇತರರು ಮಾಡಿದ ಕಾರ್ಯಗಳು, ಮುಸ್ಲಿಂ ಮತ್ತು ಹಿಂದೂ ಸಮುದಾಯಗಳ ಭಾವೈಕ್ಯತೆಗೆ, ಸಹಜೀವನಕ್ಕೆ ಆದರ್ಶವಾಗಿವೆ.
ಈಗಾಗಲೇ ಸಾಮಾಜಿಕ ಮಾಧ್ಯಮಗಳಲ್ಲಿ ಗಜಾನನೋತ್ಸವ ಪ್ರಸಿದ್ಧಿ ಹೊಂದಿದ್ದು, ದೇಶಾದ್ಯಂತ ಜನರಿಂದ ಪ್ರಶಂಸಿಸಲ್ಪಡುತ್ತಿದೆ. ಗಣೇಶೋತ್ಸವದ ಮಂಟಪದ ಸುತ್ತಲೂ ಅಳವಡಿಸಲಾದ ಪ್ಲಾಸ್ಟಿಕ್ ಬಳಸಬೇಡಿ, ಪ್ಲಾಸ್ಟಿಕ್ ಮುಕ್ತ ನಿಸರ್ಗವನ್ನು ಸೃಷ್ಟಿಸಿ ಎನ್ನುವ ಉದ್ಘಾಷ ಇರುವ ಬ್ಯಾನರ್‌ಗಳು ಗಣೇಶೋತ್ಸವದ ಮಂಟಪಕ್ಕೆ ಮತ್ತಷ್ಟು ಮೆರಗು ನೀಡಿವೆ.
.
.
.
---------
ಯಲ್ಲಾಪುರ: ತಾಲೂಕಿನ ವಜ್ರಳ್ಳಿಯ ವಜ್ರೇಶ್ವರಿ ಯುವಕ ಸಂಘದಿಂದ ಆಯೋಜಿಸಲಾಗಿದ್ದ ಸಾರ್ವಜನಿಕ ಗಣೇಶೋತ್ಸವವು ಕಳೆದ ನಾಲ್ಕು ದಿನಗಳಿಂದ ವಿಜೃಂಭಣೆಯಿಂದ ನಡೆಯಿತು. ಮಂಗಳವಾರ ಸಂಜೆ ನಡೆದ ವೈಭವದ ವಿಸರ್ಜನಾ ಮೆರವಣಿಗೆಯಲ್ಲಿ ಇನ್ನೂರಕ್ಕೂ ಹೆಚ್ಚು ಜನರು ಪಾಲ್ಗೊಂಡು ಸಂಭ್ರಮಿಸಿದರು.
ಈ ವರ್ಷ ವಜ್ರೇಶ್ವರಿ ಯುವಕ ಸಂಘದ ಸದಸ್ಯರು ಭಾವೈಕ್ಯತೆಯನ್ನು ಬಿಂಬಿಸುವುದರ ಮೂಲಕ ಗಣೇಶೋತ್ಸವವನ್ನು ಅದ್ದೂರಿಯಾಗಿ ಆಚರಿಸಿದರು. ಸುತ್ತಮುತ್ತಲಿನ ಗ್ರಾಮಗಳ ಯುವಕರು, ಮಹಿಳೆಯರು, ಮಕ್ಕಳು ಸೇರಿಕೊಂಡು ಮೆರವಣಿಗೆಯಲ್ಲಿ ಹಾಡುಗಳೆಡೆಗೆ ಹೆಜ್ಜೆ ಹಾಕಿ ಬಣ್ಣದ ಬೆಳಕುಗಳಲ್ಲಿ ನೃತ್ಯ ಮಾಡಿದರು.
ಗಣೇಶ ಮೂರ್ತಿಯ ವಿಸರ್ಜನೆಯ ವೇಳೆ ಮೂರು ತಾಸುಗಳ ಕಾಲ ನಡೆದ ಮೆರವಣಿಗೆಯಲ್ಲಿ ವಜ್ರೇಶ್ವರಿ ಯುವಕ ಸಂಘದ ಸದಸ್ಯರು ವಿಶೇಷವಾಗಿ ತಯಾರಿಸಿದ ಗಣೇಶನ ಚಿತ್ರದ ಬಿಳಿ ಅಂಗಿ ಧರಿಸಿ ಗಮನಸೆಳೆದರು. ಇವರೆಲ್ಲರ ಜೊತೆಗೆ ವಿವಿಧ ಸಂಘ ಸಂಸ್ಥೆಗಳ ಮುಖಂಡರು, ಮತ್ತು ಸಮಾಜಸೇವಕರು ಕೂಡ ಮೆರವಣಿಗೆಯಲ್ಲಿ ಭಾಗಿಯಾಗಿ ಕಾರ್ಯಕ್ರಮದ ವೈಭವವನ್ನು ಹೆಚ್ಚಿಸಿದರು. Pyara
ಸಮಾರಂಭದಲ್ಲಿ ವಜ್ರೇಶ್ವರಿ ಯುವಕ ಸಂಘದ ಅಧ್ಯಕ್ಷ ಸತೀಶ ಗಾಂವ್ಕರ್, ಕಾರ್ಯದರ್ಶಿ ಗಿರೀಶ ವಡ್ಡರ್, ಗ್ರಾಮ ಪಂಚಾಯಿತಿ ಅಧ್ಯಕ್ಷ ಭಗೀರಥ ನಾಯ್ಕ, ಆದರ್ಶ ಸೇವಾ ಸಹಕಾರಿ ಸಂಘದ ಅಧ್ಯಕ್ಷ ದತ್ತಾತ್ರೇಯ ಭಟ್ ತಾರಗಾರ ಸೇರಿದಂತೆ ವಿವಿಧ ಸಂಘ ಸಂಸ್ಥೆಗಳ ಮುಖಂಡರು, ಪದಾಧಿಕಾರಿಗಳು, ಸಾಮಾಜಿಕ ಕಾರ್ಯಕರ್ತರು ಗಣೇಶ ಮೂರ್ತಿ ವಿಸರ್ಜನೆಯ ಮೆರವಣಿಗೆಯ ಸಂದರ್ಭದಲ್ಲಿ ಉಪಸ್ಥಿತರಿದ್ದರು. ಯಲ್ಲಾಪುರ ಪೋಲೀಸ್ ಇಲಾಖೆ ಭದ್ರತೆ ನೀಡಲು ಬಿಗಿ ಬಂದೋಬಸ್ತ್ ಮಾಡಿತ್ತು.
.
.
ಯಲ್ಲಾಪುರ: ಮಾತೃಭೂಮಿ ಸೇವಾ ಪ್ರತಿಷ್ಠಾನ, ಕನ್ನಡ ಸಾಹಿತ್ಯ ಪರಿಷತ್ತು ಹಾಗೂ ಯಲ್ಲಾಪುರದ ಸರಕಾರಿ ಪ್ರಥಮ ದರ್ಜೆ ಕಾಲೇಜಿನ ಆಶ್ರಯದಲ್ಲಿ, ದಿ. ವೆಂಕಣ್ಣಾಚಾರ್ಯರ "ಸಂದೇಶ ರಾಮಾಯಣ" ಮತ್ತು ಶ್ರೀರಂಗ ಕಟ್ಟಿ ವಿರಚಿತ "ಬ್ಯಾಸರಕಿ ಬ್ಯಾಡೊ ನಗುವಾಗ" ಎಂಬ ಕೃತಿಗಳ ಲೋಕಾರ್ಪಣೆ ಸೆಪ್ಟೆಂಬರ್ 12 ರಂದು ಬೆಳಿಗ್ಗೆ 10.00 ಗಂಟೆಗೆ ಯಲ್ಲಾಪುರದ ಸರಕಾರಿ ಪ್ರಥಮ ದರ್ಜೆ ಕಾಲೇಜಿನ ಆವರಣದಲ್ಲಿ ಜರುಗಲಿದೆ. 
ಈ ಸಂದರ್ಭದ ಮುಖ್ಯ ಅತಿಥಿಯಾಗಿ ಕಾಲೇಜಿನ ಪ್ರಾಂಶುಪಾಲ ಡಾ. ಆರ್.ಡಿ. ಜನಾರ್ಧನ ಭಾಗವಹಿಸಲಿದ್ದಾರೆ. ಲೋಕಾರ್ಪಣಾ ಸಮಾರಂಭವನ್ನು ಹಿರಿಯ ಸಾಹಿತಿ ಮತ್ತು ಪತ್ರಕರ್ತ ಅರುಣಕುಮಾರ ಹಬ್ಬು ಅವರು ನೆರವೇರಿಸಲಿದ್ದಾರೆ. 
ಯಲ್ಲಾಪುರ : ಯಲ್ಲಾಪುರದ ಶಿರಸಿ ರಸ್ತೆಯ ಪಿಎಲ್‌ಡಿ ಬ್ಯಾಂಕ್ ಎದುರಿನ ಹೆಸ್ಕಾಂ ಗ್ರಿಡ್ ಪಕ್ಕದಲ್ಲಿ ನಡೆಯುತ್ತಿರುವ ಗಣೇಶೋತ್ಸವವು ಈ ಬಾರಿ 18ನೇ ವರ್ಷದ ವಿಜೃಂಭಣೆಯಲ್ಕಿದೆ. 18 ವರ್ಷಗಳ ಹಿಂದೆ ಮಕ್ಕಳ ಆಟದಲ್ಲಿ ಪ್ರತಿಷ್ಠಾಪಿಸಿದ ಗಣಪತಿ ಮೂರ್ತಿ, ಇಂದಿಗೂ ತಮ್ಮ ವಿಶೇಷತೆ ಮತ್ತು ಯಶಸ್ಸನ್ನು ಕಾಪಾಡಿಕೊಂಡಿದೆ. 
ಈಗಿನ ದಿನಗಳಲ್ಲಿ, ಅಂದಿನ ಮಕ್ಕಳು ತಮ್ಮ ಉದ್ಯೋಗ ಮತ್ತು ಇತರ ಜವಾಬ್ದಾರಿಗಳನ್ನು ಸಮರ್ಥವಾಗಿ ನಿಭಾಯಿಸುತ್ತಾ, ಈ ಉತ್ಸವವನ್ನು ಪೂರಕವಾಗಿ ಬೆಂಬಲಿಸುತ್ತಿದ್ದಾರೆ. ಅಂದಿನ ಮಕ್ಕಳು ಇಂದಿನ ಯುವಕರಾಗಿ, ಗಣೇಶೋತ್ಸವದ ಪ್ರತಿಯೊಂದು ಹಂತದಲ್ಲೂ ಸಕ್ರಿಯವಾಗಿ ಪಾಲ್ಗೊಳ್ಳುತ್ತಿದ್ದಾರೆ. 
ಯಲ್ಲಾಪುರ: ಸಾವಿರ ಸದಸ್ಯರೊಂದಿಗೆ ಆರಂಭಗೊಂಡ ಮಲೆನಾಡು ಕೃಷಿ ಅಭಿವೃದ್ಧಿ ಸೇವಾ ಸಹಕಾರಿ ಸಂಘ 25 ವರ್ಷಗಳನ್ನು ಪೂರ್ಣಗೊಳಿಸಿ 26ನೇ ವರ್ಷಕ್ಕೆ ಕಾಲಿಡುತ್ತಿದೆ. ಈ ಸುದೀರ್ಘ ಸೇವಾ ಅವಧಿಯಲ್ಲಿ ಸಂಘವು ಸದಸ್ಯರ ಸಂಖ್ಯೆಯನ್ನು ಉಳಿಸಿಕೊಂಡು, ರೈತರಿಗೆ ಅಗತ್ಯ ಕೃಷಿ ಸೇವೆಗಳನ್ನು ಒದಗಿಸುವ ಮೂಲಕ ಗಮನಾರ್ಹ ಸಾಧನೆ ಮಾಡಿದೆ ಸಹಕಾರಿ ಸಂಘದ ಅಧ್ಯಕ್ಷ ಎಂ ಆರ್ ಹೆಗಡೆ ಕುಂಬ್ರಿಗುಡ್ಡೆ ಹೇಳಿದರು. 
ಕೃಷಿ ಉಪಕರಣಗಳಿಗಾಗಿ ಜನರು ಹುಬ್ಬಳ್ಳಿ, ಶಿರಸಿಗೆ ಹೋಗಬೇಕಿತ್ತು. ರೈತರಿಗೆ ಸಮೀಪದಲ್ಲಿಯೇ ಉತ್ತಮ ಸೇವೆ ಒದಗಿಸುವ ಉದ್ದೇಶದಿಂದ 25 ವರ್ಷಗಳ ಹಿಂದೆ ಮನೆ ಮನೆಗೆ ಭೇಟಿ ನೀಡಿ ಸಂಘವನ್ನು ಸ್ಥಾಪಿಸಲಾಯಿತು. ಆಡಳಿತ ಮಂಡಳಿ ಮತ್ತು ಸಿಬ್ಬಂದಿಯ ಶ್ರಮದಿಂದ ಸಂಘವು ಕಳೆದ ವರ್ಷ 47.85 ಲಕ್ಷ ರೂಪಾಯಿ ಲಾಭ ಗಳಿಸಿದೆ" ಎಂದು ಹೇಳಿದರು. 
ಯಲ್ಲಾಪುರ: ಯುವಕರು ಇಂತಹ ಕಾರ್ಯಕ್ರಮಗಳಲ್ಲಿ ಸಕ್ರಿಯವಾಗಿ ಭಾಗವಹಿಸುವ ಮಹತ್ವವನ್ನು ವಿವರಿಸಿದರು. "ಹಿರಿಯರನ್ನು ಗೌರವಿಸುವಂತೆಯೇ, ಊರಿನ ಮಕ್ಕಳನ್ನೂ ಪ್ರೋತ್ಸಾಹಿಸುವುದು ನಮ್ಮ ಹೊಣೆಗಾರಿಕೆ. ಇದು ಬೇರೆಯವರು ಅನುಸರಿಸಬೇಕಾದ ಮಾದರಿ," ಎಂದು ಹೇಳಿದರು. ಈ ಸಂದರ್ಭದಲ್ಲಿ ಹಳ್ಳಿಯ ಮಕ್ಕಳು ಮತ್ತು ಹಿರಿಯರನ್ನು ಸನ್ಮಾನಿಸುವ ಮೂಲಕ ಸಮಾಜದ ಹಿತಚಿಂತನೆಯನ್ನು ತೋರಿಸಿದ್ದಾರೆ ಎಂದು ಕುಂದರಗಿ ಗ್ರಾಮ ಪಂಚಾಯಿತಿ ಸದಸ್ಯ ಗಣೇಶ ಹೆಗಡೆ ಹೇಳಿದರು. 
ಅವರು, ಭರತನಹಳ್ಳಿ ಗ್ರಾಮದಲ್ಲಿ 30 ವರ್ಷಗಳಿಂದ ಯಶಸ್ವಿಯಾಗಿ ನಡೆಯುತ್ತಾ ಬಂದಿರುವ ಗಜಾನನೋತ್ಸವ ಸಮಾರಂಭವು ಅತ್ಯಂತ ವೈಭವದಿಂದ ನಡೆದಿದೆ. ಗಜಾನನೋತ್ಸವ ಸಮಿತಿಯು ಈ ವರ್ಷವೂ ಸಹ ಯುವಕರ ಮತ್ತು ಹಿರಿಯರ ಸಮಾನ ಭಾಗವಹಿಸುವಿಕೆಯಿಂದ ಮಹತ್ವವನ್ನು ನೀಡಿದೆ ಎಂದರು. 
ಉಮ್ಮಚಗಿ ಗ್ರಾಮ ಪಂಚಾಯಿತಿ ಸದಸ್ಯ ಗಣಪತಿ ಬಾಳೆಗದ್ದೆ ಅವರು ಸಮಾರಂಭವನ್ನು ದೀಪ ಬೆಳಗಿಸಿ ಉದ್ಘಾಟಿಸಿ, "ಯುವಕರು ಸಮಾಜಮುಖಿ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳುವುದರ ಜೊತೆಗೆ ತಮ್ಮ ಹಿರಿಯರ ಆದರ್ಶಗಳನ್ನು ಅರಿಯಬೇಕು. ಈ ಸ್ಥಳವು ಕಾಲಾನೂಕುಲವಾಗಿ ಬಡತನದ ಸಮಸ್ಯೆಯಿಂದ ಸಾಟಿಯಿಲ್ಲದ ಗಣೇಶೋತ್ಸವದ ಕೇಂದ್ರವಾಗಿ ಬೆಳೆದಿದೆ. ಈ ಧಾರ್ಮಿಕ ಉತ್ಸವವು ಶ್ರದ್ಧೆ, ಭಕ್ತಿ, ಪ್ರೀತಿ ಮತ್ತು ವಿಶ್ವಾಸವನ್ನು ಬಲಪಡಿಸಲು ಮಹತ್ವಪೂರ್ಣವಾಗಿದೆ," ಎಂದು ಹೇಳಿದರು. 
ಯಲ್ಲಾಪುರ: ಪಟ್ಟಣದ ಸರ್ಕಾರಿ ಕಂಪೌಂಡುಗಳು, ವಿದ್ಯುತ್ ಕಂಬಗಳು ಮತ್ತು ಹಲವಾರು ಸುಂದರ ಶಿಲಾಯುಗರ ಮೇಲೆ ಖಾಸಗಿ ಉತ್ಪನ್ನಗಳ ಜಾಹೀರಾತುಗಳು ಅಕ್ರಮವಾಗಿ ಅಂಟಿಸಿ ಪ್ರಚಾರ ಮಾಡುತ್ತಿರುವುದು ಜನರ ಕಣ್ಣುಕಟ್ಟುವಂತಿದೆ. Pyara
ಎಪಿಎಂಸಿ ಸೇರಿದಂತೆ ವಿವಿಧ ಸರ್ಕಾರಿ ಇಲಾಖೆಯ ಕಾಂಪೌಂಡುಗಳಿಗೆ ವಾರ್ಷಿಕ ಲಕ್ಷಾಂತರ ರೂ ವೆಚ್ಚದಲ್ಲಿ ಬಣ್ಣ, ಸುಣ್ಣಗಳನ್ನು ಬಳಸಿ ಬಲಪಡಿಸಿದರೂ, ಖಾಸಗಿ ಕಂಪನಿಗಳು ಈ ಗೋಡೆಗಳನ್ನು ತಮ್ಮ ಜಾಹೀರಾತುಗಳಿಗಾಗಿ ಬಳಸಿಕೊಳ್ಳುತ್ತಿವೆ.
ಇವುಗಳಲ್ಲಿ ಮುಖ್ಯವಾಗಿ ಆರೋಗ್ಯ ಸಮಸ್ಯೆಗಳಿಗೆ ಸುಲಭ ಪರಿಹಾರ ಒದಗಿಸುತ್ತೇವೆ ಎಂಬ ನಕಲಿ ವೈದ್ಯರು, ತಮ್ಮ ಭವಿಷ್ಯವನ್ನು ಕಟ್ಟಿಕೊಳ್ಳಲು ಇನ್ನೊಬ್ಬರ ಸುಳ್ಳು ಭವಿಷ್ಯ ಹೇಳುವ ಜ್ಯೋತಿಷಿಗಳು, ಹಾಗು ಅನಾಮಿಕ ಔಷಧ ಮಾರಾಟಗಾರರು ಅದರೊಂದಿಗೆ ಶಾಲಾ-ಕಾಲೇಜು ಟ್ಯೂಟೋರಿಯಲ್ಸ್, ಕಂಪ್ಯೂಟರ್ ತರಗತಿಗಳು ಸೇರಿದಂತೆ ಅನೇಕ ಶಿಕ್ಷಣಾತ್ಮಕ ಸಂಸ್ಥೆಗಳ ಜಾಹೀರಾತುಗಳು ಕಂಬ ಮತ್ತು ಗೋಡೆಗಳ ಮೇಲೆ ಅಂಟಿಸಿರುವುದು ಸಾಮಾನ್ಯವಾಗಿದೆ.
ಯಲ್ಲಾಪುರದ ಜಾತ್ರೆ ಸಂದರ್ಭದಲ್ಲಿ ಬಿಳಿ ಬಣ್ಣದ ಬೀದಿ ದೀಪದ ಅಲಂಕಾರಿಕ ಹಾಗೂ ಕಮಾನು ಕಂಬಗಳನ್ನು ಅಳವಡಿಸಿ ಪಟ್ಟಣದ ಸೌಂದರ್ಯವನ್ನು ವೃದ್ಧಿಸಲಾಗಿತ್ತು. ಈಗ ಆ ಕಂಬಗಳ ಮೇಲೂ ಅನಧಿಕೃತ ಜಾಹೀರಾತುಗಳನ್ನು ಅಂಟಿಸುವ ಮೂಲಕ ಅಲಂಕಾರಿಕ ದೀಪದ ಕಂಬಗಳ ಅಂದವನ್ನು ಹಾಳು ಮಾಡಲಾಗಿದೆ. ಪಟ್ಟಣದ ಹಲವೆಡೆ ಅನಧಿಕೃತ ಬಂಟಿಂಗ್‌ಗಳು ಮತ್ತು ಜಾಹೀರಾತುಗಳನ್ನು ಅಳವಡಿಸಿರುವುದು ಕಾಣಸಿಗುತ್ತಿದೆ. Pyara
ಪಟ್ಟಣ ಪಂಚಾಯತ ಆಡಳಿತ ಈ ಬಗ್ಗೆ ಕ್ರಮ ಕೈಗೊಳ್ಳದೆ ನಿರ್ಲಕ್ಷ್ಯ ತೋರಿದರೆ, ಸರಿಯಾದ ನಿರ್ವಹಣೆಯಿಂದ ಪ.ಪಂ.ಗೆ ಆದಾಯ ಲಭಿಸಬಹುದಾಗಿತ್ತು. ಸ್ಥಳೀಯ ವ್ಯಕ್ತಿಯೊಬ್ಬರು ಈ ಅನಧಿಕೃತ ಜಾಹೀರಾತುಗಳ ಫೋಟೋವನ್ನು ತೆಗೆದು ಜಿಲ್ಲಾಧಿಕಾರಿಗಳಿಗೆ, ರಾಜ್ಯ ಮುಖ್ಯ ಕಾರ್ಯದರ್ಶಿಗಳಿಗೆ, ಸಂಬಂಧಿಸಿದ ರಾಜ್ಯ ಮಟ್ಟದ ಅಧಿಕಾರಿಗಳಿಗೆ ಕಳಿಸಿ, ಕ್ರಮ ತೆಗೆದುಕೊಳ್ಳುವಂತೆ ಆಗ್ರಹಿಸಿದ್ದಾರೆ. Pyara
ಇದಕ್ಕೆ ಸಂಬಂಧಿಸಿದಂತೆ, ಮಂಗಳವಾರ ಅಕ್ಕಿ ಪೂರೈಕೆ ಮಾಡುವ ಖಾಸಗಿ ಕಂಪನಿಯೊಂದು ಎಪಿಎಂಸಿ ಗೋಡೆಯ ಮೇಲೆ ಜಾಹೀರಾತು ಅಂಟಿಸಿರುವುದು ಕಂಡುಬಂದಿದ್ದು, ಅಧಿಕಾರಿಗಳು ಈ ಬಗ್ಗೆ ಏನು ಕ್ರಮ ಕೈಗೊಳ್ಳಲಿದ್ದಾರೆ ಎಂಬುದು ತಿಳಿದುಬಂದಿಲ್ಲ. Pyara
ಅಥವಾ, ಅಕ್ಕಿ ಪೂರೈಕೆ ಮಾಡುವ ಕಂಪನಿಯ ವಿರುದ್ಧ ಎಪಿಎಂಸಿ ಅಧಿಕಾರಿಗಳು ಯಾವ ರೀತಿಯ ಕ್ರಮ ಕೈಗೊಳ್ಳುತ್ತಾರೆ ಹಾಗೂ ಪಟ್ಟಣ ಪಂಚಾಯಿತಿ ಮಾಲೀಕತ್ವದ ಕಮಾನು ದೀಪದ ಕಂಬ ಅಲಂಕಾರಿಕ ಕಂಬದ ಮೇಲೆ ಅಂಟಿಸಲಾದ ಜಾಹೀರಾತುಗಳ ವಿರುದ್ಧ ಎಷ್ಟು ದಂಡ ಹಾಕುತ್ತಾರೆ. ಎಲ್ಲವನ್ನು ಗಮನಿಸಿ ಈಗಲೇ ಕ್ರಮ ಕೈಗೊಳ್ಳುತ್ತಾರೋ ಅಥವಾ ಶಂಖದಿಂದ ಬಂದ ನೀರೇ ಪವಿತ್ರ ಸ್ಥಳೀಯವಾಗಿ ಪ್ರಕಟವಾಗುವ ವರದಿ ಅಪವಿತ್ರ ಎಂದು ವಿಧಾನಸೌಧ ಹಾಗೂ ಮುಖ್ಯ ಕಾರ್ಯದರ್ಶಿಗಳಿಂದ ಬರುವ ನೋಟಿಸ್‌ಗೆ ಕಾದು ಉತ್ತರಿಸುತ್ತಾರೆಯೋ ಕಾದು ನೋಡಬೇಕಾಗಿದೆ.
ಯಲ್ಲಾಪುರ : ಪಟ್ಟಣದ ಮದರ್ ತೆರೇಸಾ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಗ್ಲೋಬಲ್ ಹ್ಯಾಂಡ್ ವಾಷಿಂಗ್ ಡೇ (ಜಾಗತಿಕ ಕೈ ತೊಳೆಯುವ ದಿನ) ಯನ್ನು ಮಕ್ಕಳ ನೃತ್ಯ ಹಾಗೂ ಪ್ರಾತ್ಯಕ್ಷಿಕೆಯ ಮೂಲಕ ಆಚರಿಸಲಾಯಿತು. 
ಮುಖ್ಯಾಧ್ಯಾಪಕರಾದ ಫಾ. ರೊಯ್ಯಸ್ಟನ ಗೊನ್ಸಾಲ್ವಿಸ್ ಜಾಗತೀಕ ಕೈ ತೊಳೆಯುವ ದಿನದ ಕುರಿತು ಮಾತನಾಡಿ, ಗ್ಲೋಬಲ್ ಹ್ಯಾಂಡ್ ವಾಶಿಂಗ್ ಡೇ, ಜನರಿಗೆ ಕೈ ತೊಳೆಯುವ ಪ್ರಾಮುಖ್ಯತೆಯನ್ನು ಅರಿವು ಮಾಡಿಸುವುದಕ್ಕಾಗಿ ಆಚರಿಸಲಾಗುತ್ತದೆ. ಸ್ವಚ್ಛತೆಯ ಅಧಾರಭೂತವಾದ ಚಟುವಟಿಕೆಗಳಲ್ಲೊಂದಾದ ಕೈ ತೊಳೆಯುವಿಕೆ, ಸೋಂಕುಗಳು ಮತ್ತು ರೋಗಗಳ ಹರಡುವಿಕೆಯನ್ನು ತಡೆಯುವ ಮುಖ್ಯ ವಿಧಾನವಾಗಿದೆ. ವಿಶ್ವ ಆರೋಗ್ಯ ಸಂಸ್ಥೆ (WHO) ಹಾಗೂ ಯುನಿಸೆಫ್ (UNICEF) ಮೊದಲಾದ ಸಂಸ್ಥೆಗಳ ಪ್ರಕಾರ, ಸರಿಯಾಗಿ ಕೈ ತೊಳೆಯುವುದರಿಂದ ಹಲವಾರು ತೀವ್ರ ಸಾಂಕ್ರಾಮಿಕ ರೋಗಗಳನ್ನು ತಡೆಯಬಹುದು ಎಂದು ತಿಳಿಸಿಕೊಟ್ಟಿವೆ. 
ಕೈ ತೊಳೆಯುವಾಗ, ನೀರು ಮತ್ತು ಸಾಬೂನು ಬಳಸಿ ಕನಿಷ್ಠ 20 ಸೆಕೆಂಡುಗಳ ಕಾಲ ಕೈಯ ಎಲ್ಲಾ ಭಾಗಗಳನ್ನು ತೊಳೆದರೆ, ನಮ್ಮ ಕೈಯಲ್ಲಿ ಇರಬಹುದಾದ ವೈರಸ್, ಬ್ಯಾಕ್ಟೀರಿಯಾ ಮುಂತಾದ ಪತಜನ್ಯಗಳನ್ನು ತೆಗೆದುಹಾಕಬಹುದು. 
ಶಾಲೆಯ ಶಿಕ್ಷಕಿಯಾದ ರವಿನ ಗಾಂವ್ಕರ ಅವರ ನೇತತ್ವದಲ್ಲಿ ನಾಲ್ಕನೇ ತರಗತಿಯ ವಿದ್ಯಾರ್ಥಿಗಳು ಅಭಿನಯ ಗೀತೆ ಪ್ರದರ್ಶನ ಮಾಡುವುದರ ಮೂಲಕ ವಿದ್ಯಾರ್ಥಿಗಳಿಗೆ ಜಾಗೃತಿಯನ್ನು ಮೂಡಿಸಿದರು. 
ಯಲ್ಲಾಪುರ : ಇತ್ತೀಚಿಗೆ ನಡೆದ ಪ್ರೌಢಶಾಲಾ ಕಿರವತ್ತಿ ವಲಯ ಮಟ್ಟದ ಕ್ರೀಡಾಕೂಟದಲ್ಲಿ ಸ್ಥಳೀಯ ವೈ.ಟಿ.ಎಸ್.ಎಸ್ ಕನ್ನಡ ಮಾಧ್ಯಮ ಪ್ರೌಢಶಾಲೆಯ ಮಕ್ಕಳು 228 ಅಂಕಳೊಂದಿಗೆ ಸಮಗ್ರ ವೀರಾಗ್ರಣಿ ಪ್ರಶಸ್ತಿ ತನ್ನದಾಗಿಸಿಕೊಂಡಿದೆ.
ವಿಶ್ವ ಆಚಾರಿ 400 ಮೀಟರ್ ಓಟದಲ್ಲಿ, ಕಾರ್ತಿಕ ವರಕ 800 ಓಟದಲ್ಲಿ, ವಾಜಿ ಶಿಂದೆ 1500 ಮೀಟರ್ ಓಟದಲ್ಲಿ, ಮಂಜುನಾಥ್ ಸಿಂಧೆ ಈಟಿ ಏಸೆತದಲ್ಲಿ, ನಂದನ್ ಗೇರ್ ಗೆದ್ದೆ ಚೆಸ್‍ನಲ್ಲಿ ಪ್ರಥಮ ಹಾಗೂ ಬಾಲಕರ ವಿಭಾಗದ ಖೋಖೋದಲ್ಲಿ ಪ್ರಥಮ ಸ್ಥಾನ ಪಡೆದಿದ್ದಾರೆ.
ಬಾಲಕಿಯರ ವಿಭಾಗದಲ್ಲಿ 100 ಮೀಟರ್ ಓಟ ಹಾಗೂ 110 ಮೀ ಹರ್ಡಲ್ಸ್‍ನಲ್ಲಿ ಛಾಯಾಸಿದ್ಧಿ , 
200 ಮೀಟರ್ ಓಟದಲ್ಲಿ ಗೀತಾ ಸಿದ್ದಿ ,400 ಮತ್ತು 800ಮೀ ಓಟದಲ್ಲಿ ಜಯಶ್ರೀ ಮೈಲಾರ್, 1500 ಮೀಟರ್ ಓಟದಲ್ಲಿ ರಕ್ಷಿತಾ ಎಂ ಮರಾಠಿ, 400ಮೀಟರ್ ಹರ್ಡಲ್ಸನಲ್ಲಿ ರಕ್ಷಿತಾ ಎಸ್ ಮರಾಠಿ, 3000 ಮೀಟರ್ ನಡಿಗೆ ಕೃಪಾ ಮರಾಠಿ, 3000ಮೀಟರ್ ಓಟದಲ್ಲಿ ಕವಿತಾ ಮರಾಠಿ, ಈಟಿ ಎಸೆತ ಸಂಧ್ಯಾ ಗೌಡ , ಚಕ್ರ ಎಸೆತ ಸಂಧ್ಯ ಗೌಡ , ಉದ್ದ ಜಿಗಿತ ರೇಷ್ಮಾ ಚೌಕೇಳೆಕರ್, ತ್ರಿವಿಧ ಜಿಗಿತ ಪ್ರಿಯಾಂಕ ಸಿದ್ದಿ ಪ್ರಥಮ ಸ್ಥಾನ ಗಳಿಸಿದ್ದು 100 X 400ರಿಲೇ ಗೀತಾ ಸಿದ್ದಿ ತಂಡ , 400 X 400ರಿಲೇ ರಕ್ಷಿತಾ ಎಸ್, ಬಾಲಕಿಯರ ಖೋಖೋ, ಕಬ್ಬಡ್ಡಿ , ಥ್ರೋಬಾಲ್‍ಗಳಲ್ಲಿ ಪ್ರಥಮಸ್ಥಾನ ಗಳಿಸಿ ಸಮಗ್ರ ವೀರಾಗ್ರಣಿ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡಿದ್ದಾರೆ. 
ಯಲ್ಲಾಪುರ: ಕಾಳಮ್ಮನಗರದ ಸಾರ್ವಜನಿಕ ಶ್ರೀ ಗಜಾನನೋತ್ಸವ ಸಮಿತಿ, ಯಲ್ಲಾಪುರದ ಪ್ರಮುಖ ಗಜಾನನೋತ್ಸವ ಸಮಿತಿಗಳಲ್ಲೊಂದಾಗಿದ್ದು, ಈ ವರ್ಷ ತನ್ನ 31ನೇ ವರ್ಷದ ಗಣೇಶೋತ್ಸವವನ್ನು ವಿಜ್ರಂಬಣೆಯಿಂದ ಆಚರಿಸಲು ಸಜ್ಜಾಗಿದೆ. 
ಈ ಬಾರಿ ಸಮಿತಿಯ ಅಧ್ಯಕ್ಷರಾಗಿ ಆಭರಣ ವ್ಯಾಪಾರಿ ನರೇಂದ್ರ ಪಾಟೀಲ ನೇತೃತ್ವ ವಹಿಸಿಕೊಂಡಿದ್ದು, ಉತ್ಸವದ ಸಿದ್ಧತೆಗಳು ಸಂಪೂರ್ಣಗೊಂಡಿವೆ. ಸೆಪ್ಟೆಂಬರ್ 7ರಂದು ಗಣೇಶ ಮೂರ್ತಿ ಪ್ರತಿಷ್ಠಾಪನೆಯಾಗಿದೆ. ಉತ್ಸವಕ್ಕೆ ಭವ್ಯ ಚಾಲನೆ ದೊರೆತಿದೆ. ಇದೇ 11 ದಿನಗಳ ಗಣೇಶೋತ್ಸವ, ಸೆಪ್ಟೆಂಬರ್ 17, ಮಂಗಳವಾರದವರೆಗೆ ಸಾಗಲಿದೆ. ಈ ಸಂದರ್ಭದಲ್ಲಿ ವಿವಿಧ ಧಾರ್ಮಿಕ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳು ಭಕ್ತರ ಮನಸ್ಸನ್ನು ಆಕರ್ಷಿಸುವಂತಿವೆ. 
ಇದರಿಂದ ಯುವಕರಿಗೆ ತನ್ನ ಪ್ರತಿಭೆಯನ್ನು ಪ್ರದರ್ಶಿಸಲು ಅವಕಾಶ ಸಿಗುತ್ತದೆ. ದಿನಗಳ ಗಣೇಶೋತ್ಸವದ ಸಾಂಸ್ಕೃತಿಕ ಸಂಭ್ರಮ
ಈ ಬಾರಿಯ ಉತ್ಸವವು, ಪೂರ್ವದಂತೆ ಧಾರ್ಮಿಕ ಕಾರ್ಯಕ್ರಮಗಳು, ಗಣಹೋಮ, ಹೋಮಹವನ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳಿಂದ ಕೂಡಿದೆ. ಕಾಳಮ್ಮನಗರದಲ್ಲಿ ಪ್ರತಿಯೊಂದು ದಿನವೂ ನೂರಾರು ಭಕ್ತರು ಈ ಧಾರ್ಮಿಕ ಕಾರ್ಯಗಳಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ. ವಿಶೇಷವಾಗಿ ಮಕ್ಕಳು ಮತ್ತು ಯುವಕರಿಗೆ ಸಾಂಸ್ಕೃತಿಕ ಕಾರ್ಯಕ್ರಮಗಳಲ್ಲಿ ಭಾಗವಹಿಸಲು ಸಾಕಷ್ಟು ಅವಕಾಶ ಕಲ್ಪಿಸಲಾಗಿದೆ.
ನರೇಂದ್ರ ಪಾಟೀಲ ನೇತೃತ್ವದಲ್ಲಿ ಉಪಾಧ್ಯಕ್ಷ ಮಹೇಶ ನಾಯ್ಕ, ಕಾರ್ಯದರ್ಶಿ ದಿಲೀಪ ಅಂಬೀಗ, ಖಜಾಂಚಿ ರಮೇಶ ಕಮ್ಮಾರ, ಸದಸಯರಾದ ಹನುಮಂತ ಮರಾಠೆ, ಭಾಸ್ಕರ ಶೆಟ್ಟಿ, ನಾಗರಾಜ ಇನ್ನಿತರರು ಕೈ ಜೋಡಿಸಿದ್ದಾರೆ. ಈ ಧಾರ್ಮಿಕ ಉತ್ಸವವು ಕಾಳಮ್ಮನಗರದ ಸಾಂಸ್ಕೃತಿಕ ಚಟುವಟಿಕೆಗಳಿಗೆ ಪೂರಕವಾಗಿದೆ. ಗಣೇಶೋತ್ಸವದಲ್ಲಿ ಭಕ್ತರು ತನು-ಮನ-ಧನಗಳಿಂದ ಕೈ ಜೋಡಿಸಿ, ಉತ್ಸವವನ್ನು ಯಶಸ್ವಿಗೊಳಿಸುವಂತೆ, ನರೇಂದ್ರ ಪಾಟೀಲ ಭಕ್ತಾಧಿಗಳಿಗೆ ಕರೆ ನೀಡಿದ್ದಾರೆ.