ಗ್ರಹಲಕ್ಷ್ಮೀ ಹಣ ಹಿಂದೂ ಹೆಣ್ಣುಮಗಳಿಗೆ ಸಿಗುವಂತೆ ಮಾಡಿದ ಮುಸ್ಲಿಂ ಸಾಮಾಜಿಕ ಕಾರ್ಯಕರ್ತ

ಯಲ್ಲಾಪುರ : ಹಿಂದೂ ಹೆಣ್ಣು ಮಕ್ಕಳು ಒಬ್ಬಳಿಗೆ ತಾಂತ್ರಿಕ ಗೊಂದಲ ಕಾರಣಕ್ಕಾಗಿ ಮುಸ್ಲಿಂ ಸಾಮಾಜಿಕ ಕಾರ್ಯಕರ್ತನೋರ್ವ ಎಲ್ಲ ರೀತಿಯ ಮಾರ್ಗದರ್ಶನ ನೀಡಿ ಕರ್ನಾಟಕ ಸರ್ಕಾರದ ಗೃಹಲಕ್ಷ್ಮಿ ಯೋಜನೆಯ ಹಣವನ್ನು ದೊರಕಿಸಿ ಕೊಟ್ಟಿರುವ ಘಟನೆ ನಡೆದಿದೆ.

   ಪಟ್ಟಣದ ಸಾಮಾಜಿಕ ಕಾರ್ಯಕರ್ತ ಶಕೀಲ್ ಅಹಮದ್ ಮಹಿಳೆಯ ದಾಖಲೆಗಳನ್ನು ತೆಗೆದುಕೊಂಡು ಹೋಗಿ ಸೈಬರ್ ಸೆಂಟರ್ ನಲ್ಲಿ ದಾಖಲಿಸಿ, ಆಕೆಗೆ ಸರ್ಕಾರದಿಂದ ಸಿಗಬೇಕಾದ ಸೌಲಭ್ಯಗಳನ್ನು ಕೊಡಿಸುವಲ್ಲಿ ಯಶಸ್ವಿಯಾಗಿದ್ದಾರೆ. 

    ಶಕೀಲ್ ಅಹ್ಮದ್ ಕಾಂಗ್ರೆಸ್ ಪಕ್ಷದಲ್ಲಿ ಗುರುತಿಸಿಕೊಂಡಿದ್ದಾರೆ. ಆದರೇ, ಹಲವಾರು ವಿದಾಯಕ ಕಾರ್ಯಗಳಲ್ಲಿ ಪಾಲ್ಗೊಳ್ಳುತ್ತಾರೆ. ತಮ್ಮ ಉರ್ದು ಶಾಲೆಯಲ್ಲಿ ಭಗವದ್ಗೀತಾ ಅಭಿಯಾನ ಹಮ್ಮಿಕೊಳ್ಳಲು ಮುಂಚೂಣಿಯಲ್ಲಿದ್ದರೆ, ಗೋಹತ್ಯಾ ನಿಷೇಧಿಸಿ ಸಹಿ ಸಂಗ್ರಹಣೆ ಮಾಡಿದ ಸಂದರ್ಭದಲ್ಲಿ ನೂರಾರು ಮುಸ್ಲಿಂ ಸಮಾಜದವರ ಮನವೊಲಿಸಿ ತಿಳುವಳಿಕೆ‌ ನೀಡಿ ಗೋಹತ್ಯಾ ನಿಷೇದಿಸುವಂತೆ ಜನರ ಸಹಿ ಸಂಗ್ರಹಿಸಿ ಕಳಿಸಿಕೊಟ್ಟಿದ್ದಾರೆ. 

   ಅಯೋಧ್ಯಾ ಶ್ರೀರಾಮ ಮಂದಿರ ನಿರ್ಮಾಣದಲ್ಲಿ ತಾಲೂಕಿನಲ್ಲಿ ಮುಂಚೂಣಿಯಲ್ಲಿ ಇರುವ ಕಾರಣಕ್ಕಾಗಿ ಹಿಂದೂ ಸಂಘಟನೆಗಳು, ಸಮಿತಿಯವರು ಅವರ ಮನೆಗೆ ಆಗಮಿಸಿ ರಾಮಮಂದಿರ ಉದ್ಘಾಟನಾ ಸಮಾರಂಭಕ್ಕೆ ಆಮಂತ್ರಣ ನೀಡಿದ್ದರು.

   ಗ್ರಹಲಕ್ಷ್ಮಿ, ಗ್ರಹ ಜ್ಯೋತಿ, ಅಥವಾ ಇನ್ಯಾವುದೇ ಸರ್ಕಾರಿ ಯೋಜನೆಗಳನ್ನು ಪಡೆಯುವುದು ಹೇಗೆ ಎನ್ನುವುದರ ಕುರಿತು ಬಹಳಷ್ಟು ಜನರಿಗೆ ಗೊಂದಲ ಹೊಂದಿರುತ್ತಾರೆ. ಹೀಗಾಗಿ, ಮಾಹಿತಿ ಇಲ್ಲದೆ ಸರ್ಕಾರ ನೀಡುವ ಸೌಲಭ್ಯದಿಂದ ವಂಚಿತರಾಗುತ್ತಾರೆ. ಯಾವ ದಾಖಲೆಯನ್ನು ಒದಗಿಸಬೇಕು ಮತ್ತು ಹೇಗೆ ಒದಗಿಸಬೇಕು ಎನ್ನುವುದು ಜನರಲ್ಲಿ ಗೊಂದಲ ಸೃಷ್ಟಿಸುತ್ತದೆ. ಕೆಲವೊಂದು ವಾಟ್ಸಪ್ ಯುನಿವರ್ಸಿಟಿ ವಿದ್ಯಾರ್ಥಿಗಳು ಕೂಡ ತಪ್ಪು ಮಾಹಿತಿ ನೀಡಿ ಸಿಗುವ ಸೌಲಭ್ಯವು ಸಿಗದಂತಹ ಸ್ಥಿತಿ ನಿರ್ಮಾಣ ಮಾಡುತ್ತಾರೆ. ಆಗ ನೆರವಿಗೆ ಬರುವವರು ಶಕೀಲ್ ಅಹ್ಮದ್ ನಂತವರು ಮಾತ್ರ.

ಸ್ವಾತಂತ್ರ್ಯ ದಿನೋತ್ಸವಕ್ಕೆ ಹೊಸ ನೋಟ: ಯಲ್ಲಾಪುರ ಕಾಲೇಜಿನಲ್ಲಿ ಧ್ವಜ ಸ್ಥಂಭ ಸ್ಥಳಾಂತರ

ಯಲ್ಲಾಪುರ: ಸರಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಸ್ವಾತಂತ್ರ್ಯ ದಿನೋತ್ಸವದ ಸಂಭ್ರಮಕ್ಕೆ ಹೊಸ ಆಯಾಮ ಸಿಕ್ಕಿದೆ. ಕಾಲೇಜಿನ ಮಧ್ಯ ಭಾಗದಲ್ಲಿ ಹೊಸ ಧ್ವಜ ಸ್ಥಂಭ ನಿರ್ಮಾಣವಾಗಿದ್ದು, ವಿದ್ಯಾರ್ಥಿಗಳ ಸುಲಭ ಸಂಚಾರಕ್ಕೆ ಅನುಕೂಲ ಮಾಡಿಕೊಡಲಾಗಿದೆ.

  ಪ್ರಾಂಶುಪಾಲರಾದ ಆರ್.ಡಿ. ಜನಾರ್ಧನ್ ಈ ಕುರಿತು ಮಾಹಿತಿ ನೀಡಿ, "ಸ್ವಾತಂತ್ರ್ಯೋತ್ಸವದ ಸಮಾರಂಭಕ್ಕೆ ವಿಶಾಲ ಸ್ಥಳಾವಕಾಶದ ಅಗತ್ಯವನ್ನು ಗಮನಿಸಿ ಈ ನಿರ್ಧಾರ ಕೈಗೊಳ್ಳಲಾಗಿದೆ. ಹಿಂದೆ ಕಾಲೇಜಿನ ಮುಂಭಾಗದಲ್ಲಿ ಧ್ವಜ ಸ್ಥಂಭ ಇದ್ದಿದ್ದರಿಂದ ಸಂಚಾರಕ್ಕೆ ಅಡಚಣೆಯಾಗುತ್ತಿತ್ತು. ಈಗ ಕಾಲೇಜಿನ ಅವರಣದ ಮಧ್ಯಭಾಗದಲ್ಲಿ ಸ್ಥಾಪಿಸಲಾಗಿರುವ ಧ್ವಜ ಸ್ಥಂಭದಿಂದ ಸಾರ್ವಜನಿಕರು, ಹಾಸ್ಟೆಲ್ ವಿದ್ಯಾರ್ಥಿಗಳು, ಸಿಬ್ಬಂದಿ ಮತ್ತು ಐಟಿಐ ಕಾಲೇಜಿನ ವಿದ್ಯಾರ್ಥಿಗಳು ಸುಲಭವಾಗಿ ಸಂಚರಿಸಬಹುದಾಗಿದೆ." ಎಂದು ತಿಳಿಸಿದರು.

   ಈ ಹೊಸ ಬದಲಾವಣೆಯಿಂದ ಕಾಲೇಜಿನ ವಿದ್ಯಾರ್ಥಿಗಳು, ಸಿಬ್ಬಂದಿ ಮತ್ತು ಆಗಮಿಸುವ ಅತಿಥಿಗಳಿಗೆ ಸ್ವಾತಂತ್ರ್ಯ ದಿನೋತ್ಸವದ ಸಂಭ್ರಮವನ್ನು ಹೆಚ್ಚು ಆನಂದಿಸಲು ಅವಕಾಶ ಸಿಕ್ಕಿದೆ.

ವಿಶ್ವದರ್ಶನ ಬಿ.ಇಡಿ ಕಾಲೇಜಿಗೆ ಉತ್ತಮ ಫಲಿತಾಂಶ

ಯಲ್ಲಾಪುರ: ಕರ್ನಾಟಕ ವಿಶ್ವವಿದ್ಯಾಲಯದ 2022- 23ನೇ ಸಾಲಿನ ಬಿ.ಇಡಿ ಮೂರನೇ ಸೆಮಿಸ್ಟರ್ ಪರೀಕ್ಷೆಯಲ್ಲಿ ಪಟ್ಟಣದ ವಿಶ್ವದರ್ಶನ ಬಿ.ಇಡಿ ಕಾಲೇಜು ಉತ್ತಮ ಫಲಿತಾಂಶ ಸಾಧಿಸಿದೆ.

  ಈ ಕಾಲೇಜಿನ 100 ವಿದ್ಯಾರ್ಥಿಗಳು ಪರೀಕ್ಷೆ ಬರೆದಿದ್ದು ಎಲ್ಲಾ ವಿದ್ಯಾರ್ಥಿಗಳು ಉತ್ತೀರ್ಣರಾಗಿರುತ್ತಾರೆ.

 ಸುಹಾನಾ ಸೈಯದ್ ಶೇ. 93.66 ಅಂಕದೊಂದಿಗೆ ಪ್ರಥಮ, ಸುಶ್ಮಿತಾ ಮಾರುತಿ ನಾಯಕ್ ಶೇ. 93.33 ಅಂಕದೊಂದಿಗೆ ದ್ವಿತೀಯ, ಯಶೋಧಾ ಬಾಗೂರ ಮತ್ತು  ಹೇಮಾ ಗೌಡ ಶೇ. 92.83 ಅಂಕದೊಂದಿಗೆ ತೃತೀಯ ಸ್ಥಾನ ಗಳಿಸಿರುತ್ತಾರೆ.

  ಇವರಿಗೆ ಸಂಸ್ಥೆಯ ಅಧ್ಯಕ್ಷರು, ಕಾರ್ಯದರ್ಶಿಗಳು, ಆಡಳಿತ ಮಂಡಳಿ, ಶಿಕ್ಷಣ ಮಹಾವಿದ್ಯಾಲಯದ ಪ್ರಾಚಾರ್ಯರು ಹಾಗೂ ಉಪನ್ಯಾಸಕ ವರ್ಗ ಅಭಿನಂದನೆಯನ್ನು ಸಲ್ಲಿಸಿರುತ್ತಾರೆ .

ಕಾಂಗ್ರೆಸ್ ಪಕ್ಷದ ವಿರುದ್ಧ ಬಿಜೆಪಿ ಮಹಿಳಾ ಮೋರ್ಚಾ ಪ್ರೆಸ್ ಮೀಟ್: ಕಾಂಗ್ರೆಸ್ ಲೂಟಿಕೋರ ಸುಳ್ಳುಕೋರ ಸರ್ಕಾರ ಆರೋಪ

ಕಾಂಗ್ರೆಸ್ ಪಕ್ಷದ ವಿರುದ್ಧ ಬಿಜೆಪಿ ಮಹಿಳಾ ಮೋರ್ಚಾ ಪ್ರೆಸ್ ಮೀಟ್: ಕಾಂಗ್ರೆಸ್ ಲೂಟಿಕೋರ ಸುಳ್ಳುಕೋರ ಸರ್ಕಾರ ಆರೋಪ

ಯಲ್ಲಾಪುರ : ರಾಜ್ಯ ಕಾಂಗ್ರೆಸ್ ಸರ್ಕಾರದ ಆಡಳಿತ ವಿಪಾಲ್ಯ ಭ್ರಷ್ಟಾಚಾರ ಹಾಗೂ ಇತ್ತೀಚೆಗೆ ಕಾಂಗ್ರೆಸ್ ಮೇಳ ಘಟಕ ಬಿಜೆಪಿ ವಿರುದ್ಧ ನೀಡಿದ ಹೇಳಿಕೆಯ ವಿರುದ್ಧ ತಾಲೂಕ ಬಿಜೆಪಿ ಮಹಿಳಾ ಘಟಕದ ಪ್ರಮುಖರು ತೀವೃವಾಗಿ ಖಂಡಿಸಿದರು.

   ಪಟ್ಟಣದ ಬಿಜೆಪಿ ಮಂಡಲ ಕಾರ್ಯಾಲಯದಲ್ಲಿ ಸೋಮವಾರ ಪತ್ರಿಕಾಗೋಷ್ಠಿ ನಡೆಸಿ ಮಾತನಾಡಿದ, ಬಿಜೆಪಿ ರಾಜ್ಯ ಕಾರ್ಯಕಾರಿಣಿ ಸದಸ್ಯೆ ರೇಖಾ ಹೆಗಡೆ, "ಲೋಕಸಭಾ ಚುನಾವಣೆಯ ನಂತರ ಯಾವುದೇ ಖಾತೆಗೆ ಗ್ರಹಲಕ್ಷ್ಮೀ ಹಣ ಬಂದಿಲ್ಲ. ಎಸ್‌ಸಿ, ಎಸ್‌ಟಿ ಹಣ ಹಂಚಿಕೆಯಲ್ಲಿ ಬ್ರಷ್ಟಾಚಾರ ನಡೆಯುತ್ತಿದೆ. ಅಂಬೇಡ್ಕರ್ ಅವರ ಹೆಸರನ್ನು ಬಳಸುವ ಕಾಂಗ್ರೆಸ್ ಪಕ್ಷವು ವಾಲ್ಮೀಕಿ ನಿಗಮದಲ್ಲಿ ಬ್ರಷ್ಟಾಚಾರ ಮಾಡಿ ಅವರನ್ನು ಅವಮಾನ ಮಾಡುತ್ತಿದೆ", ರಾಜ್ಯದ ಜನರು ಈ ಬ್ರಷ್ಟ ಸರ್ಕಾರವನ್ನು ತೊಲಗಿಸಲು ಕಾಯುತ್ತಿದ್ದಾರೆ ಎಂದು ಹೇಳಿದರು.

   ಬಿಜೆಪಿ ಮಹಿಳಾ ಮೋರ್ಚಾ ಜಿಲ್ಲಾ ಉಪಾಧ್ಯಕ್ಷೆ ಶ್ರುತಿ ಹೆಗಡೆ ಮಾತನಾಡಿ, ಕಾಂಗ್ರೆಸ್ ಸರ್ಕಾರ ಲೂಟಿಕೋರ ಮತ್ತು ಸುಳ್ಳುಕೋರ ಸರಕಾರದ ಪರವಾಗಿ ಯಲ್ಲಾಪುರ ಕಾಂಗ್ರೆಸ್ ಮಹಿಳಾ ಘಟಕ ಹೇಳಿಕೆ‌ ನೀಡಿರುವುದು ಅಪಹಾಸ್ಯಕ್ಕೆ ಈಡು ಮಾಡಿದೆ., "ಮೂಡಾ ವಾಲ್ಮಿಕಿ ಹಗರಣದಲ್ಲಿ ಭಾಗಿಯಾಗಿ ವ್ಯಾಪಕ ಬ್ರಷ್ಟಾಚಾರದಲ್ಲಿ ತಮ್ಮದೇ ಸರ್ಕಾರ ಇದ್ದು ಅವರ ಪರವಾಗಿ ಮಾತನಾಡಿರುವುದು ಖಂಡನೀಯ ಎಂದರು.

   ತಾಲೂಕು ಪಂಚಾಯತಿ ಮಾಜಿ ಅಧ್ಯಕ್ಷೆ ಹಾಗೂ ಬಿಜೆಪಿ ಜಿಲ್ಲಾ ಕಾರ್ಯದರ್ಶಿ ಚಂದ್ರಕಲಾ ಭಟ್ ಮಾತನಾಡಿ, ಕಾಂಗ್ರೆಸ್ ಪಕ್ಷದ ಮಹಿಳಾ ಘಟಕದ ಹೇಳಿಕೆಗಳನ್ನು ಖಂಡಿಸಿದರು. "ಪಂಚ ಯೋಜನೆ ಪಂಕ್ಚರ್ ಯೋಜನೆಯಾಗಿದೆ. ಈ ಯೋಜನೆಯ ಮೂಲಕ ಕಾಂಗ್ರೆಸ್ ಸರ್ಕಾರವು ದುಡಿದು ತಿನ್ನುವ ಕೈಗಳಿಗೆ ಬೇಡುವಂತಹ ಸ್ಥಿತಿಯನ್ನು ತಂದಿದೆ",  ಅವರು ಮೂಡಾ ಹಗರಣದ ಕುರಿತು ವಿಧಾನಸಭೆಯಲ್ಲಿ ಚರ್ಚೆಗೆ ಅವಕಾಶ ನೀಡಿಲ್ಲ ಎಂದು ಆರೋಪಿಸಿದರು.

   ಪ.ಪಂ ಸದಸ್ಯೆ ಶ್ಯಾಮಲಿ ಪಾಟಣಕರ ಮಾತನಾಡಿ, ಕಾಂಗ್ರೆಸ್ ಪಕ್ಷದಲ್ಲಿ ಮಹಿಳೆಯರಿಗೆ ಮುಖ್ಯ ವೇದಿಕೆಗೆ ತರುವ ಕಾರ್ಯ ನಡೆದಿಲ್ಲ, ಮೊದಲ ಪತ್ರಿಕಾಗೋ಼ಷ್ಠಿ ಅಪಹಾಸ್ಯಕ್ಕಿಡಾಗೊದೆ. ಎಂದು ಹೇಳಿದ ಅವರು, "ಕಾಂಗ್ರೆಸ್ ಪಕ್ಷ ವಾಲ್ಮೀಕಿ ನಿಗಮದಲ್ಲಿ 187 ಕೋಟಿ ರೂ ಹಗರಣ ಮಾಡಿದ್ದು, ದಲಿತರಿಗೆ ಅನ್ಯಾಯ ಮಾಡಿದೆ" ಎಂದು ಅವರು ಹೇಳಿದರು. 

   ತಾಲೂಕಾ ಮಹಿಳಾ ಮೋರ್ಚಾ ಕಾರ್ಯದರ್ಶಿ ಸುನಂದಾ ಮರಾಠೆ ಮತ್ತು ಜಿಲ್ಲಾ ಮಹಿಳಾ ಮೋರ್ಚಾ ಉಪಾಧ್ಯಕ್ಷೆ ಹೇಮಲತಾ ಹೆಗಡೆ ಅವರು, ಕಾಂಗ್ರೆಸ್ ರಾಜ್ಯದಲ್ಲಿ ಅಧಿಕಾರಕ್ಕೆ‌ಬಂದ ನಂತರ ಗ್ರಾಮೀಣ ಭಾಗದ ಅಭಿವೃದ್ಧಿಯ ಹಿನ್ನಡೆಯಾಗಿದೆ.. "ಗ್ರಹಲಕ್ಷ್ಮೀ ಯೋಜನೆಯಡಿ ಎರಡು ತಿಂಗಳಿಂದ ಹಣ ಬಂದಿಲ್ಲ, ಮತ್ತು ಗ್ರಹಜ್ಯೋತಿ ವಿದ್ಯುತ್ ಬಿಲ್ 700-800 ರೂ ಹೆಚ್ಚು ಹಾಕಲಾಗುತ್ತಿದೆ", ಪಂಚ ಯೋಜನೆ ಹಣ ಬಾರದೇ ಇರುವ ಕಾರಣಕ್ಕೆ, "ಮನೆಯಲ್ಲಿ ಹೆಣ್ಣು ಮಕ್ಕಳ ಮೇಲೆ ದೌರ್ಜನ್ಯ ಹೆಚ್ಚಾಗಿದೆ" ಬ್ರಿಟೀಷ ಆಡಳಿತ ದೇಶ ಒಡೆದರೇ‌ ಕಾಂಗ್ರೆಸ್ ಪಕ್ಷ ಕುಟುಂಬ ಒಡೆಯುವ ಕಾರ್ಯ ಮಾಡುತ್ತಿದೆ‌ ಎಂದರು. ಪತ್ರಿಕಾಗೋಷ್ಠಿಯಲ್ಲಿ ತಾಲೂಕು ಮಹಿಳಾ ಮೋರ್ಚಾ ಕಾರ್ಯದರ್ಶಿ ನಿರ್ಮಲಾ ನಾಯ್ಕ ಇದ್ದರು.