ಯಲ್ಲಾಪುರದಲ್ಲಿ ರಾಮಭಕ್ತ ಬಳಗಕ್ಕೆ ಗ್ರಾಮದೇವಿ ಸಾನಿದ್ಯದಲ್ಲಿ ಗೌರವ ಸನ್ಮಾನ

ಯಲ್ಲಾಪುರ: ಪಟ್ಟಣದ ಮಂಜುನಾಥ ನಗರದ ರಾಮಭಕ್ತ ಬಳಗ ಭಜನಾ ತಂಡಕ್ಕೆ, ಯಲ್ಲಾಪುರದ ಶಕ್ತಿ ಪೀಠ ಗ್ರಾಮದೇವಿ ಸಾನ್ನಿಧ್ಯದಲ್ಲಿ ಭಜನಾ ಸೇವೆಗೆ ಅವಕಾಶ ಕಲ್ಪಿಸಿ ಗೌರವ ಸಲ್ಲಿಕೆಯಾಯಿತು. 

   ಅಯೋಧ್ಯೆಯಲ್ಲಿ ರಾಮಲಲ್ಲಾ ಪ್ರಾಣ ಪ್ರತಿಷ್ಠೆ ನೆರವೇರಿದ ದಿನದಿಂದ, ಪ್ರತಿ ಶನಿವಾರ ಮಂಜುನಾಥ ನಗರದ ಸಾರ್ವಜನಿಕ ಗಜಾನನೋತ್ಸವ ಸಮಿತಿಯ ಗಣೇಶ ಮೂರ್ತಿ ಪ್ರತಿಷ್ಠಾಪನಾ ಸ್ಥಳದಲ್ಲಿ ಒಂದು ಗಂಟೆಗಳ ಕಾಲ ಭಜನೆ ಸಲ್ಲಿಸುತ್ತ ಬಂದಿದೆ. ಈ ಮೂಲಕ ಧರ್ಮ ಜಾಗೃತಿ ಕಾರ್ಯ ನಿರಂತರವಾಗಿ ನಡೆಸಲಾಗುತ್ತಿದೆ. ಇಂದಿನ ಯುವ ಪೀಳಿಗೆ ಕೇವಲ ಮೊಬೈಲ್ ಅನ್ನೇ ತಮ್ಮ ಪ್ರಪಂಚವೆಂದು ಭಾವಿಸಿರುವ ಸಂದರ್ಭದಲ್ಲಿ, ಅವರಲ್ಲಿ ಆಧ್ಯಾತ್ಮಿಕ ಪ್ರಜ್ಞೆ ಮೂಡಿಸುವ ಈ ಪ್ರಯತ್ನಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಭದ್ರಗಿರಿ ಅಚ್ಚುತ ದಾಸರ ಶಿಷ್ಯರಾದ ನಾರಾಯಣ ದಾಸರು ಭಜನಾ ತಂಡಕ್ಕೆ ಸ್ವಇಚ್ಛೆಯಿಂದ ತಾಳಗಳನ್ನು ನೀಡಿ ಆಶೀರ್ವದಿಸಿದ್ದಾರೆ. 

    ಇತ್ತೀಚೆಗೆ ನವರಾತ್ರಿ ಉತ್ಸವ ನಿಮಿತ್ತ ಯಲ್ಲಾಪುರ ಗ್ರಾಮದೇವಿ ಸಾನ್ನಿಧ್ಯದಲ್ಲಿ ನಾರಾಯಣ ದಾಸರು ಹರಿಕೀರ್ತನೆ ಸೇವೆ ಸಲ್ಲಿಸುತ್ತಿದ್ದಾರೆ. ನಿರಂತರ ಭಜನೆಯೊಂದಿಗೆ ಧರ್ಮ ಜಾಗೃತಿ ಕಾರ್ಯ ಮಾಡುತ್ತಿರುವ ಈ ತಂಡಕ್ಕೆ ಗೌರವ ಸೂಚಕವಾಗಿ ಭಜನೆಗೆ ಅವಕಾಶ ಕಲ್ಪಿಸಲಾಗಿದೆ. 

   ಈ ಸಂದರ್ಭದಲ್ಲಿ ಭಜನಾ ತಂಡದ 32 ಮಂದಿ ಸದಸ್ಯರಿಗೆ ಶಾಲು ನೀಡಿ ಗೌರವಿಸಲಾಯಿತು. ಈ ಕಾರ್ಯಕ್ರಮವು ಸ್ಥಳೀಯ ಸಮುದಾಯದಲ್ಲಿ ಆಧ್ಯಾತ್ಮಿಕ ಮತ್ತು ಸಾಂಸ್ಕೃತಿಕ ಮೌಲ್ಯಗಳನ್ನು ಉತ್ತೇಜಿಸುವ ಪ್ರಯತ್ನವಾಗಿದೆ. 

    ಈ ರೀತಿಯ ಕಾರ್ಯಕ್ರಮಗಳು ಸಮುದಾಯದಲ್ಲಿ ಸಾಮರಸ್ಯ ಮತ್ತು ಐಕ್ಯತೆಯನ್ನು ಬೆಳೆಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ. ಇದರಿಂದ ಯುವ ಪೀಳಿಗೆಯಲ್ಲಿ ನಮ್ಮ ಸಂಸ್ಕೃತಿ ಮತ್ತು ಪರಂಪರೆಯ ಬಗ್ಗೆ ಅರಿವು ಮೂಡಿಸಲು ಸಹಾಯವಾಗುತ್ತದೆ ಎಂದು ಸ್ಥಳೀಯರು ಅಭಿಪ್ರಾಯಪಟ್ಟಿದ್ದಾರೆ.

.