
ಅವರು ಭರತನಹಳ್ಳಿ ಗಜಾನನೋತ್ಸವ ಸಮಿತಿ , ಭ್ರಮರಾಂಬಾ ಯುವಕ ಸಂಘ, ಮಲ್ಲಿಕಾರ್ಜುನ ದೇವಾಲಯ ವಿಸ್ವಸ್ಥ ಸಮಿತಿ, ಶ್ರೀಮಾತಾ ಜ್ಞಾನವಿಕಾಸ ಸಂಘ ಮೊದಲಾದ ಸಂಘಟನೆಗಳು ಆಯೋಜಿಸಿದ್ದ ಮೂವತ್ತನೇ ವರ್ಷದ ಗಜಾನನೋತ್ಸವ ಸಭಾ ಕಾರ್ಯಕ್ರಮದ ಅತಿಥಿಗಳಲ್ಲಿ ಒಬ್ಬರಾಗಿ ಮಾತನಾಡುತ್ತಿದ್ದರು.
ಅವರು, ಭರತನಹಳ್ಳಿ ಗ್ರಾಮದಲ್ಲಿ 30 ವರ್ಷಗಳಿಂದ ಯಶಸ್ವಿಯಾಗಿ ನಡೆಯುತ್ತಾ ಬಂದಿರುವ ಗಜಾನನೋತ್ಸವ ಸಮಾರಂಭವು ಅತ್ಯಂತ ವೈಭವದಿಂದ ನಡೆದಿದೆ. ಗಜಾನನೋತ್ಸವ ಸಮಿತಿಯು ಈ ವರ್ಷವೂ ಸಹ ಯುವಕರ ಮತ್ತು ಹಿರಿಯರ ಸಮಾನ ಭಾಗವಹಿಸುವಿಕೆಯಿಂದ ಮಹತ್ವವನ್ನು ನೀಡಿದೆ ಎಂದರು.
ಉಮ್ಮಚಗಿ ಗ್ರಾಮ ಪಂಚಾಯಿತಿ ಸದಸ್ಯ ಗಣಪತಿ ಬಾಳೆಗದ್ದೆ ಅವರು ಸಮಾರಂಭವನ್ನು ದೀಪ ಬೆಳಗಿಸಿ ಉದ್ಘಾಟಿಸಿ, "ಯುವಕರು ಸಮಾಜಮುಖಿ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳುವುದರ ಜೊತೆಗೆ ತಮ್ಮ ಹಿರಿಯರ ಆದರ್ಶಗಳನ್ನು ಅರಿಯಬೇಕು. ಈ ಸ್ಥಳವು ಕಾಲಾನೂಕುಲವಾಗಿ ಬಡತನದ ಸಮಸ್ಯೆಯಿಂದ ಸಾಟಿಯಿಲ್ಲದ ಗಣೇಶೋತ್ಸವದ ಕೇಂದ್ರವಾಗಿ ಬೆಳೆದಿದೆ. ಈ ಧಾರ್ಮಿಕ ಉತ್ಸವವು ಶ್ರದ್ಧೆ, ಭಕ್ತಿ, ಪ್ರೀತಿ ಮತ್ತು ವಿಶ್ವಾಸವನ್ನು ಬಲಪಡಿಸಲು ಮಹತ್ವಪೂರ್ಣವಾಗಿದೆ," ಎಂದು ಹೇಳಿದರು.


ನಾಗೇಶ ಕೃಷ್ಣ ಗೌಡ ಅವರು ಅಧ್ಯಕ್ಷತೆಯನ್ನು ವಹಿಸಿ, ಈ ವರ್ಷದ ಗಜಾನನೋತ್ಸವವು ಯಶಸ್ವಿಯಾಗಿ ನಿರ್ವಹಿಸಲಾಯಿತು ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.
ಸಮಾರಂಭದ ವೇದಿಕೆಯನ್ನು ಪ್ರಗತಿ ವಿದ್ಯಾಲಯದ ಶಿಕ್ಷಕ ಪ್ರಕಾಶ ಎನ್. ಭಟ್ಟ, ಗಜಾನನೋತ್ಸವ ಸಮಿತಿಯ ಗೌರವಾಧ್ಯಕ್ಷ ಕಿರಣ್ ಕುಮಾರ್ ಸೋಮನಾಥ ಗೌಡ, ಕೃಷ್ಣ ಹುದಾರ್, ಹೊನ್ನಪ್ಪ ಪಟಗಾರ, ಇತರ ಗಣ್ಯರು ಹಂಚಿಕೊಂಡರು.
ಈ ಸಂದರ್ಭದಲ್ಲಿ, ನಿವೃತ್ತ ಕಾರ್ಯ ನಿರ್ವಾಹಕ ಸಂತೋಷ ನರಸಿಂಹ ಶೇಟ್, ಉತ್ತಮ ಕೃಷಿಕ ವಿಠ್ಠಲದಾಸ ಮಾಣೇಶ್ವರ ಶಿರಸಾಟ, ಹಾಗೂ ಕಳೆದ ಎಸ್.ಎಸ್.ಎಲ್.ಸಿ. ಪರೀಕ್ಷೆಯಲ್ಲಿ ಹೆಚ್ಚು ಅಂಕಗಳಿಸಿದ ಹಳ್ಳಿಯ ಮಕ್ಕಳು ಸನ್ಮಾನಿತರಾದರು.
ಕಾರ್ಯಕ್ರಮದ ಉದಯ ಜಿ.ನಾಯ್ಕ ಅವರು ಸ್ವಾಗತಿಸಿ, ವಂದಿಸಿದರು.
.
.
.