ದೇವಿ‌ಮೈದಾನ ಗಜಾನೋತ್ಸವ: ಸಡಗರ ಸಂಭ್ರಮದ ಸಿದ್ಧತೆ

ಯಲ್ಲಾಪುರ: ದೇವಿ‌ಮೈದಾನದಲ್ಲಿ ಸೆ. 7 ರಿಂದ 16 ರವರೆಗೆ ನಡೆಯಲಿರುವ ಗಜಾನೋತ್ಸವವನ್ನು ಸಡಗರ ಸಂಭ್ರಮದಿಂದ ಆಚರಿಸಲು ಸಮಿತಿ ಸಿದ್ಧತೆ ಮಾಡಿಕೊಂಡಿದೆ ಎಂದು ಸಮಿತಿ ಅಧ್ಯಕ್ಷ ಗಣೇಶ ಪತ್ತಾರ ಹೇಳಿದರು.

    ಬುಧವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಉತ್ಸವದಲ್ಲಿ ಗಣಹವನ, ಅಥರ್ವಶೀರ್ಷ ಹವನ ಹಾಗೂ ಇತರ ಧಾರ್ಮಿಕ ಕಾರ್ಯಕ್ರಮಗಳು ನಡೆಯಲಿವೆ ಎಂದು ಹೇಳಿದರು. ಪ್ರತಿನಿತ್ಯ ಸಾರ್ವಜನಿಕರಿಗೆ ಭೋಜನದ ವ್ಯವಸ್ಥೆ ಮಾಡಲಾಗಿದೆ.

  ಸೆ. 9 ರಿಂದ 15 ರವರೆಗೆ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯಲಿವೆ. ಸವಣಗೇರಿ ಹುತ್ಕಂಡ ಶಾಲೆಯ ವಿದ್ಯಾರ್ಥಿಗಳ ಸಾಂಸ್ಕೃತಿಕ ಕಾರ್ಯಕ್ರಮ, ಹುತ್ಕಂಡ ಸಾಧನಾ ಮಹಿಳಾ ಬಳಗದ ಭಜನೆ, ಆನಗೋಡದ ಮಹಾಗಣಪತಿ ಭಜನಾ ಮಂಡಳಿಯ ಭಜನೆ, ಸ್ಥಳೀಯ ಯಕ್ಷಗಾನ ಕಲಾವಿದರ ಗಾನ ವೈಭವ, ಮಾಗೋಡ ವೀರ ಮಾರುತಿ ತಾಳಮದ್ದಲೆ ಕೂಟದ ಸುಧನ್ಮಾರ್ಜುನ ತಾಳಮದ್ದಲೆ, ಪ್ರಸಿದ್ಧ ಕಲಾವಿದರ ಗಾನ ವೈಭವ, ಛದ್ಮವೇಷ ಹಾಗೂ ಅಭಿನಯಗೀತೆ ಸ್ಪರ್ಧೆಗಳು ನಡೆಯಲಿವೆ.

    ಸೆ. 16 ರಂದು ಮಹಾಪೂಜೆ, ಪ್ರಸಾದ ಭೋಜನ, ಫಲಾವಳಿ ಸವಾಲು ಕಾರ್ಯಕ್ರಮ ಹಾಗೂ ಸಂಜೆ ವಿಸರ್ಜನಾ ಮೆರವಣಿಗೆ ನಡೆಯಲಿದೆ ಎಂದು ಅವರು ತಿಳಿಸಿದರು.

    ಸಮಿತಿಯ ಕಾರ್ಯದರ್ಶಿ ಸಂಜೀವಕುಮಾರ ಹೊಸ್ಕೇರಿ, ಕಳೆದ ನಾಲ್ಕು ದಶಕಗಳಿಂದ ಸಮಿತಿಯು ದೇವರಿಗೆ ವಿಶೇಷವಾಗಿ ಬಂಗಾದ ಆಭರಣಗಳನ್ನು ಮಾಡಿಸಿ, ಧಾರ್ಮಿಕ ಹಾಗೂ ಸಾಂಸ್ಕೃತಿಕವಾಗಿ ಮಂಚೂಣಿ ಕಾರ್ಯಕ್ರಮಗಳನ್ನು ನಡೆಸುತ್ತಿದೆ ಎಂದು ಹೇಳಿದರು.

   ಸಮಿತಿಯ ಸದಸ್ಯರುಗಳಾದ ವಿಜಯಶಂಕರ ನಾಯ್ಕ, ರಾಜು ಶೇಟ, ಗುರು ಕುರ್ಡೆಕರ, ಹನುಮಂತ ನೆರಳಗಿ, ವಿಶ್ವೇಶ್ವರ ಹೆಬ್ಬಾರ, ಅಮೃತ ಬದ್ದಿ, ಉಲ್ಲಾಸ ಪ್ರಭು, ಸೂರಜ್ ಶೆಟ್ಟಿ ಮತ್ತು ನಾರಾಯಣ ಭಟ್ಟ ಸುಣಜೋಗ ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.

.