ತಾರೆಹಳ್ಳಿ ಶಾಲೆ ಮಾಜಿ ಅಧ್ಯಕ್ಷರಿಗೆ ಬೀಳ್ಕೊಡುಗೆ

ಯಲ್ಲಾಪುರ: ತಾರೆಹಳ್ಳಿ ಹಿರಿಯ ಪ್ರಾಥಮಿಕ ಶಾಲೆಯ ಶಾಲಾಭಿವೃದ್ಧಿ ಸಮಿತಿಯ ಅಧ್ಯಕ್ಷ ಸ್ಥಾನದಿಂದ ಇತ್ತೀಚೆಗೆ ನಿರ್ಗಮಿಸಿದ ಉಮ್ಮಚ್ಗಿ ಗ್ರಾ.ಪಂ.ಸದಸ್ಯ ಖೈತಾನ್ ಡಿಸೋಜಾ ಅವರಿಗೆ ಊರ ನಾಗರೀಕರು, ಶಾಲೆಯ ಶಿಕ್ಷಕರು ಮತ್ತು ಮಕ್ಕಳಿಂದ ಬೀಳ್ಕೊಡುಗೆಯ ಸನ್ಮಾನ ನೀಡಲಾಯಿತು.

 "ಈ ಶಾಲೆಯಲ್ಲಿ ಸೇವೆ ಸಲ್ಲಿಸಲು ಅವಕಾಶ ಮಾಡಿಕೊಟ್ಟ, ಸಹಕರಿಸಿದ ಎಲ್ಲರಿಗೂ ಧನ್ಯವಾದಗಳು. ನಿಮ್ಮೆಲ್ಲರ ಸಹಾಯದಿಂದ ನಾನು ಈ ಸ್ಥಾನದಲ್ಲಿದ್ದೆ. ಕೆಲಸ ಮಾಡುತ್ತ ಇಷ್ಟೆಲ್ಲ ವರುಷಗಳು ಉರುಳಿದ್ದೇ ಗೊತ್ತಾಗಲಿಲ್ಲ" ಎಂದು ಡಿಸೋಜಾ ಅವರು ಮಾತನಾಡುತ್ತ ಹೇಳಿದರು. "ಈ ಶಾಲೆಗೆ ನನ್ನ ಸಹಾಯ ಸಹಕಾರ ಇನ್ನುಮುಂದೆಯೂ ಇರುತ್ತದೆ. ಅದನ್ನು ತಾವು ಯಾವ ಸಂದರ್ಭದಲ್ಲೂ ಕೇಳಿ ಬಳಸಿಕೊಳ್ಳಬಹುದು" ಎಂದು ಅವರು ಹೇಳಿದರು. 

 ಕಾರ್ಯಕ್ರಮದ ಅಧಕ್ಷತೆಯನ್ನು ಎಸ್ಡಿಎಂಸಿ ನೂತನ ಅಧ್ಯಕ್ಷ ವಿಲಾಸ ನಾಯ್ಕ ವಹಿಸಿದ್ದರು. ಉಮ್ಮಚ್ಗಿ ಗ್ರಾ.ಪಂ.ಸದಸ್ಯ ಅಶೋಕ ಪೂಜಾರಿ, ಎಸ್ಡಿಎಂಸಿ ಉಪಾಧ್ಯಕ್ಷೆ ನಾಗರತ್ನ ಪೂಜಾರಿ, ಮುಖ್ಯೋಪಾದ್ಯಾಯ ರಾಮದಾಸ ಪೈ ಮೊದಲಾದವರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಮೀನಾಕ್ಷಿ ಬಾಯಿ ಸ್ವಾಗತಿಸಿ, ಕಾರ್ಯಕ್ರಮ ನಿರ್ವಹಿಸಿ, ವಂದನಾರ್ಪಣೆ ಸಲ್ಲಿಸಿದರು.