ಹವ್ಯಕ ನೌಕರರ ಸಂಘದಿಂದ ಸಾಧಕರಿಗೆ ಪುರಸ್ಕಾರ,

 ಯಲ್ಲಾಪುರ: ಯಲ್ಲಾಪುರ ಹವ್ಯಕ ನೌಕರರ ಕ್ಷೇಮಾಭಿವೃದ್ಧಿ ಸಂಘವು ಪ್ರತಿವರ್ಷದಂತೆ ಈ ವರ್ಷವೂ ಎಸ್.ಎಸ್.ಎಲ್.ಸಿ. ಮತ್ತು ಪಿಯುಸಿಯಲ್ಲಿ ಸಾಧನೆ ಮಾಡಿದ ವಿದ್ಯಾರ್ಥಿಗಳಿಗೆ, ವಿಶೇಷ ಸಾಧನೆ ಮಾಡಿದ ಮಕ್ಕಳಿಗೆ ಪುರಸ್ಕಾರ ಮತ್ತು ನಿವೃತ್ತ ನೌಕರರಿಗೆ ಸನ್ಮಾನ ಕಾರ್ಯಕ್ರಮವನ್ನು ಆಯೋಜಿಸಿತು.

   ಶಾಸಕ ಶಿವರಾಮ ಹೆಬ್ಬಾರ ಈ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ನಿವೃತ್ತ ಅಭಿಯಂತರ ವಿ.ಎಂ.ಭಟ್ಟ, ಶಿಕ್ಷಕರಾದ ಎನ್.ಎಸ್.ಭಟ್ಟ, ನಳಿನಿ ಹೆಗಡೆ, ಎಂ.ವಿ.ಹೆಗಡೆ, ಮಹಾದೇವಿ ಭಟ್ಟ, ಪಾರ್ವತಿ ಕವಡೀಕೆರೆ, ಗೋಪಾಲ ಭಟ್ಟ ಅವರಿಗೆ ಸನ್ಮಾನಿಸಲಾಯಿತು.

 ಜೊತೆಗೆ, ಡಾ.ಟಿ.ಎಸ್.ತಿಲಕರಾಜ, ರವಿಕಿರಣ ಹೆಗಡೆ, ಗಣಪತಿ ವಿ.ಭಟ್ಟ, ಶಿವರಾಮ ವಿ. ಭಟ್ಟ, ತೇಜಸ್ ಶ್ರೀಧರ ಹೆಗಡೆ, ಸಮೃದ್ಧಿ ಭಾಗ್ವತ, ಸಿಂಚನಾ ಜಡ್ಡಿಪಾಲ, ಭವ್ಯಾ ಭಾಗ್ವತ, ಪ್ರಜ್ವಲ್ ನಾಯ್ಕ, ಅನಂತಕುಮಾರ ಭಾಗ್ವತ, ನಯನಾ ಭಟ್ಟ, ಪ್ರಾರ್ಥನಾ ಭಟ್ಟ, ಜನ್ನಿಬಾಯಿ ಕೊಕರೆ, ಶ್ರೀರಾಮ ಕೆ.ಎಂ., ಕಾವ್ಯಾ ಗಣಪತಿ ಭಟ್ಟ, ಸಾತ್ವಿಕ ಜಿ.ಜೆ, ಶ್ರೀಲಕ್ಷ್ಮೀ.ಎಸ್.ಹೆಗಡೆ ಸೇರಿದಂತೆ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ವಿದ್ಯಾರ್ಥಿಗಳನ್ನು ಪುರಸ್ಕರಿಸಲಾಯಿತು.

  ಪಂಚಾಯತ್ ರಾಜ್ ವಿಕೇಂದ್ರೀಕರಣ ಮತ್ತು ಅಭಿವೃದ್ಧಿ ಸಮಿತಿಯ ಉಪಾಧ್ಯಕ್ಷ ಪ್ರಮೋದ ಹೆಗಡೆ, ತಹಶೀಲ್ದಾರ ಅಶೋಕ ಭಟ್ಟ, ಟಿ.ಎಂ.ಎಸ್. ಅಧ್ಯಕ್ಷ ಎನ್.ಕೆ.ಭಟ್ಟ ಅಗ್ಗಾಶಿಕುಂಬ್ರಿ, ಮಲೆನಾಡು ಕೃಷಿ ಅಭಿವೃದ್ಧಿ ಸಹಕಾರಿ ಸಂಘದ ಅಧ್ಯಕ್ಷ ಎಂ.ಆರ್.ಹೆಗಡೆ ಕುಂಬ್ರೀಗುಡ್ಡೆ, ಕ್ಷೇತ್ರ ಶಿಕ್ಷಣಾಧಿಕಾರಿ ಎನ್.ಆರ್.ಹೆಗಡೆ, ಆರಕ್ಷಕ ಉಪನಿರೀಕ್ಷಕ ನಿರಂಜನ ಹೆಗಡೆ, ಹವ್ಯಕ ನೌಕರರ ಸಂಘದ ಅಧ್ಯಕ್ಷ ಡಿ.ಜಿ.ಹೆಗಡೆ, ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಅಧ್ಯಕ್ಷ ಆರ್.ಆರ್. ಭಟ್ಟ ಮತ್ತಿತರರು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.