ಕಾಡು ಪ್ರಾಣಿಗಳಿಂದ ಬೆಳೆ ಹಾನಿ : ಜಯ ಕರ್ನಾಟಕ ಸಂಘಟನೆ ಮನವಿ

ಯಲ್ಲಾಪುರ : ತಾಲೂಕಿನ ಕಿರವತ್ತಿ ವಲಯ ಅರಣ್ಯ ಅಧಿಕಾರಿಗಳಿಗೆ ಕಾಡು ಪ್ರಾಣಿಗಳಿಂದ ರೈತರ ಬೆಳೆಗೆ ಹಾನಿಯಾಗುತ್ತಿರುವ ಕುರಿತು ಜಯ ಕರ್ನಾಟಕ ತಾಲೂಕಾ ಸಂಘಟನೆ, ರೈತರು ಮತ್ತು ಊರನಾಗರಿಕರ ವತಿಯಿಂದ ಬುಧವಾರ ಮನವಿ ಸಲ್ಲಿಸಲಾಯಿತು.

   ಕಿರವತ್ತಿ ವಲಯವು ದಟ್ಟಾರಣ್ಯದಿಂದ ಕೂಡಿರುವ ಕಾರಣ, ಈ ಭಾಗದ ನಿವಾಸಿಗಳು ಕೃಷಿಕರಾಗಿ ಕೃಷಿಯಿಂದ ಬರುವ ಆದಾಯದ ಮೇಲೆ ಅವಲಂಬಿತರಾಗಿದ್ದಾರೆ. ಕಿರವತ್ತಿ, ಸೋಮಾಪುರ, ದಾಂಡೇಲಿವಾಡಾ, ಪಾಣಿಗುಂಡಿ, ಬಸನಕೊಪ್ಪ, ಹುಣಸಗೇರಿ, ಯಲವಳ್ಳಿ, ಸಣ್ಣ ಯಲವಳ್ಳಿ, ಗುಡಂದೂರ, ಬೈಲಂದೂರ, ಬೈಲಂದೂರ ವಾಡಾ, ಹೊಸಳ್ಳಿ, ಅಲ್ಕೇರಿ, ಅಲ್ಕೇರಿವಾಡಾ, ಮಂಗ್ಯಾನತಾವರಗೇರಿ, ವಾಡಾ, ಮದನೂರ, ಖಂಡ್ರಾನಕೊಪ್ಪ, ಮಾದೇವಕೊಪ್ಪ, ಹುಲಗೋಡ ಮತ್ತು ಇತರ ಪ್ರದೇಶಗಳಲ್ಲಿ ಕಾಡು ಪ್ರಾಣಿಗಳು ನುಗ್ಗಿ ರೈತರ ಬೆಳೆಯನ್ನು ನಾಶಪಡಿಸುತ್ತಿರುವುದನ್ನು ಜಯ ಕರ್ನಾಟಕ ತಾಲೂಕಾ ಸಂಘಟನೆ ಗಮನಿಸಿದೆ. 

  ರೈತರು ಸಂಕಷ್ಟಕ್ಕೊಳಗಾಗುತ್ತಿದ್ದು, ಅವರಿಗೆ ಸೂಕ್ತ ಪರಿಹಾರ ಒದಗಿಸುವಂತೆ ಅರಣ್ಯ ಅಧಿಕಾರಿಗಳನ್ನು ಒತ್ತಾಯಿಸಲಾಯಿತು. ಕಾಡು ಪ್ರಾಣಿಗಳು ಕೃಷಿ ಭೂಮಿಗಳಿಗೆ ನುಗ್ಗದಂತೆ ಕ್ರಮ ಕೈಗೊಳ್ಳುವುದು, ರೈತರಿಗೆ ಉಚಿತವಾಗಿ ಸೂಕ್ತ ಪರಿಕರಗಳನ್ನು ಒದಗಿಸುವುದು ಮತ್ತು ಬೆಳೆ ಹಾನಿಗೆ ಪರಿಹಾರ ನೀಡುವಂತೆ ಮನವಿ ಮಾಡಲಾಯಿತು.

      ಈ ಸಂದರ್ಭದಲ್ಲಿ ತಾಲೂಕು ಸಂಘಟಣೆಯ ಅಧ್ಯಕ್ಷರು ವಿಲ್ಸನ್ ಆ‌ರ್.ಫರ್ನಾಂಡಿಸ್‌, ತಾಲೂಕು ಎಸ್‌ಸಿ-ಎಸ್‌ಟಿ ಅಧ್ಯಕ್ಷ ಚನ್ನಪ್ಪ ಡಿ ಹರಿಜನ, ಮಹ್ಮದಅಲಿ ಪಟೇಲ್. ಹರೂನ ಶೇಖ, ರೈತ ಮುಖಂಡರು, ಸಂಚಾಲಕರು ಸುಭಾಸ ಡಿ. ಹರಿಜನ, ಜಾಫರ ಒಂಟಿ. ನೂರಅಹ್ಮದ ಶೇಖ, ಜೀವಾ ಕೆ, ರೈತ ಮುಖಂಡರು, ಸಲೀಮ ಒಂಟನಾಳ, ಖಲಂದರ ಪಿ. ಮುನ್ನಾ ಪಟೇಲ, ಆಲೇಕ್ಸ್‌ ಸಿದ್ದಿ, ಜಾಫರ ಒಂಟಿ, ಗಣಪತಿ ಶಿರನಾಳಕರ, ಜಾಕು ಸಿದ್ದಿ, ಮತ್ತು ಎಲ್ಲಾ ಘಟಕ ಅಧ್ಯಕ್ಷರು ಹಾಗೂ ಸದ್ಯಸರು ರೈತರು ಮತ್ತು ಊರನಾಗರಿಕರು ಉಪಸ್ಥಿತಿರಿದ್ದರು.