ಯಲ್ಲಾಪುರದ ಮಕ್ಕಳ ಗಣಪತಿ: 18ನೇ ವರ್ಷದ ವಿಜೃಂಭಣೆಯ ಗಣೇಶೋತ್ಸವ

ಯಲ್ಲಾಪುರ : ಯಲ್ಲಾಪುರದ ಶಿರಸಿ ರಸ್ತೆಯ ಪಿಎಲ್‌ಡಿ ಬ್ಯಾಂಕ್ ಎದುರಿನ ಹೆಸ್ಕಾಂ ಗ್ರಿಡ್ ಪಕ್ಕದಲ್ಲಿ ನಡೆಯುತ್ತಿರುವ ಗಣೇಶೋತ್ಸವವು ಈ ಬಾರಿ 18ನೇ ವರ್ಷದ ವಿಜೃಂಭಣೆಯಲ್ಕಿದೆ. 18 ವರ್ಷಗಳ ಹಿಂದೆ ಮಕ್ಕಳ ಆಟದಲ್ಲಿ ಪ್ರತಿಷ್ಠಾಪಿಸಿದ ಗಣಪತಿ ಮೂರ್ತಿ, ಇಂದಿಗೂ ತಮ್ಮ ವಿಶೇಷತೆ ಮತ್ತು ಯಶಸ್ಸನ್ನು ಕಾಪಾಡಿಕೊಂಡಿದೆ. 

   ಪ್ರಾರಂಭದಲ್ಲಿ ಕೇವಲ ಮಕ್ಕಳ ತಯಾರಿ ಮತ್ತು ಪೂಜೆಯಿಂದ ಆರಂಭವಾದ ಈ ಕಾರ್ಯಕ್ರಮವು, ಈಗ ಆ ಮಕ್ಕಳೇ ಯುವಕರಾಗಿ, ಉದ್ಯೋಗಸ್ಥರಾಗಿ ಸಂಪೂರ್ಣ ಪ್ರೋತ್ಸಾಹ ನೀಡಿ ಉತ್ಸವವನ್ನು ಅತ್ಯಂತ ವಿಜೃಂಭಣೆಯಿಂದ ನಡೆಸುತ್ತಿದ್ದಾರೆ. ಈ ವಿಶೇಷ ಗಣಪತಿಯನ್ನು ಸ್ಥಳೀಯ ಜನರು "ಮಕ್ಕಳ ಗಣಪತಿ" ಎಂದೇ ಆಪ್ಯಾಯಿತವಾಗಿ ಕರೆದುಕೊಳ್ಳುತ್ತಾರೆ. 

 ಮಕ್ಕಳ ಆಟದಿಂದ ಆರಂಭವಾದ ಉತ್ಸವ 

 18 ವರ್ಷಗಳ ಹಿಂದೆ, ಪ್ರಶಾಂತ ಗಾಳಪ್ಪನವರ, ರಾಘವೇಂದ್ರ ಗಾಳಪ್ಪನವರ, ಗಣೇಶ ಗಾಳಪ್ಪನವರ, ಸಂಜಯ ಗಾಳಪ್ಪನವರ, ಪರಶುರಾಮ ಭೋವಿವಡ್ಡರ್, ವಿಠ್ಠಲ ಭೋವಿವಡ್ಡರ್, ಸಂತೋಷ್ ಹರ್ನಳಗಿ, ಮಂಜುನಾಥ ಭೋವಿವಡ್ಡರ್, ನಾಗರಾಜ ಭೋವಿವಡ್ಡರ್ ಮತ್ತು ಮನೋಜ ಹರ್ನಳಗಿ ಮೊದಲಾದ ಮಕ್ಕಳು ಒಟ್ಟಾಗಿ ಈ ಗಣಪತಿ ಮೂರ್ತಿಯನ್ನು ಪ್ರತಿಷ್ಠಾಪಿಸಿದರು. ಅವರ ಪುಟ್ಟ ಮನಸ್ಸಿನ ಅಭಿಲಾಷೆಯೇ ಈ ಉತ್ಸವದ ವಾಸ್ತವಿಕ ರೂಪವಾಗಿದೆ. ಈಗಿನ ದಿನಗಳಲ್ಲಿ, ಅಂದಿನ ಮಕ್ಕಳು ತಮ್ಮ ಉದ್ಯೋಗ ಮತ್ತು ಇತರ ಜವಾಬ್ದಾರಿಗಳನ್ನು ಸಮರ್ಥವಾಗಿ ನಿಭಾಯಿಸುತ್ತಾ, ಈ ಉತ್ಸವವನ್ನು ಪೂರಕವಾಗಿ ಬೆಂಬಲಿಸುತ್ತಿದ್ದಾರೆ. ಅಂದಿನ ಮಕ್ಕಳು ಇಂದಿನ ಯುವಕರಾಗಿ, ಗಣೇಶೋತ್ಸವದ ಪ್ರತಿಯೊಂದು ಹಂತದಲ್ಲೂ ಸಕ್ರಿಯವಾಗಿ ಪಾಲ್ಗೊಳ್ಳುತ್ತಿದ್ದಾರೆ. 

 ಹಬ್ಬದ ವಿಜೃಂಭಣೆಯ ಸ್ಥಿತಿ: 

ಈ 18 ವರ್ಷಗಳಲ್ಲಿ, ಹಬ್ಬದ ಆಚರಣೆ ಸತತವಾಗಿ ದೊಡ್ಡದಾಗಿ, ಹೆಚ್ಚಿನ ಜನಪ್ರಿಯತೆ ಸಂಪಾದಿಸಿದೆ. ಐದು, ಹತ್ತು, ಹಾಗೂ ಹದಿನೈದು ವರ್ಷಗಳ ಗಜಾನನೋತ್ಸವದಲ್ಲಿ ಮಕ್ಕಳು ಅನ್ನಸಂತರ್ಪಣೆ ಕಾರ್ಯಕ್ರಮ ಹಮ್ಮಿಕೊಂಡಿದ್ದರು. ಜೊತೆಗೆ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಆಯೋಜಿಸಿದ್ದರು. ಈ ಬಾರಿ ಉತ್ಸವವು ಸೆಪ್ಟೆಂಬರ್ 7ರಂದು ಗಣೇಶ ಚತುರ್ಥಿಯಂದು ಪ್ರತಿಷ್ಠಾಪನೆಗೊಂಡಿದ್ದು, ಭಕ್ತರು ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ತೊಡಗಿಕೊಂಡಿದ್ದಾರೆ. 

ವಿಶೇಷ ಆಚರಣೆ ಮತ್ತು ವಿಸರ್ಜನೆ :

 ಈ ಬಾರಿ ಕೂಡ ಗಣಪತಿಯ ವಿಸರ್ಜನೆ ಸೆಪ್ಟೆಂಬರ್ 11ರಂದು ಅದ್ಧೂರಿಯಾಗಿ ನಡೆಯಲಿದೆ. ಈ ಮೂರ್ತಿ, ಹಿಂದಿನ ವರ್ಷಗಳಿಂದಲೂ ಹಾಗೆಯೇ, ಭಕ್ತರ ಅಪಾರ ಪ್ರೀತಿ ಹಾಗೂ ಶ್ರದ್ಧೆಯಿಂದ ಪೂಜಿಸಲ್ಪಡುತ್ತಿದ್ದು, ಇದರಿಂದ ಈ ಭಾಗದಲ್ಲಿ ಐದು ದಿನಗಳ ಕಾಲ ಹಬ್ಬದ ವಾತಾವರಣ ಮುಂದುವರೆಯುತ್ತಿದೆ. 

ಯುವಕರ ಪ್ರೋತ್ಸಾಹ :

 ಪ್ರಶಾಂತ ಗಾಳಪ್ಪನವರ, ರಾಘವೇಂದ್ರ ಗಾಳಪ್ಪನವರ, ಗಣೇಶ ಗಾಳಪ್ಪನವರ ಮತ್ತು ಅವರ ಸಹೋದ್ಯೋಗಿಗಳು 18 ವರ್ಷಗಳ ಕಾಲ ಭಕ್ತರೊಂದಿಗೆ ತೀವ್ರವಾಗಿ ಜತೆಯಾಗಿ ಈ ಉತ್ಸವವನ್ನು ಯಶಸ್ವಿಯಾಗಿ ನಡೆಸುತ್ತಿರುವುದು ವಿಶೇಷವಾಗಿದ್ದು, ಇದರಿಂದ ಯಲ್ಲಾಪುರದ ಜನರಿಗೆ ಹೊಸ ಬೆಳಕು ನೀಡಿದೆ.

.

.

.