ಅಡಿಕೆ ಕೊಳೆರೋಗ ತಡೆಗಾಗಿ ವೀರಭದ್ರ ದೇವಸ್ಥಾನದಲ್ಲಿ ವಿಶೇಷ ಪೂಜೆ/ಕೈಗಾ-ಇಳಕಲ್ ಹೆದ್ದಾರಿ ಮೇಲೆ ನೀರಿನ ಓಟ: ಸಾರ್ವಜನಿಕರಿಗೆ ತೊಂದರೆ

ಅಡಿಕೆ ಕೊಳೆರೋಗ ತಡೆಗಾಗಿ ವೀರಭದ್ರ ದೇವಸ್ಥಾನದಲ್ಲಿ ವಿಶೇಷ ಪೂಜೆ

ಯಲ್ಲಾಪುರ: ತಾಲೂಕಿನ ವಜ್ರಳ್ಳಿ ಸಮೀಪದ ಹೊನ್ನಗದ್ದೆಯ ವೀರಭದ್ರ ದೇವಸ್ಥಾನದಲ್ಲಿ ಬುಧವಾರ ಬೆಳಿಗ್ಗೆ ನಿರಂತರ ಮಳೆಯಿಂದ ಅಡಿಕೆಯ ಕೊಳೆರೋಗ ಹರಡುವುದನ್ನು ತಡೆಗಟ್ಟಲು ವಿಶೇಷ ಪೂಜೆ ನೆರವೇರಿಸಲಾಯಿತು. 

   ಅಡಿಕೆ ಬೆಳೆಗಾರರು ತಮ್ಮ ಬೆಳೆ ಉಳಿಸಲು ವೀರಭದ್ರ ದೇವರ ಮೊರೆ ಹೋಗಿದ್ದರು. ದೇವಸ್ಥಾನ ಆಡಳಿತ ಮಂಡಳಿ ಅಧ್ಯಕ್ಷ ಜಯರಾಮ ಹೆಗಡೆ, ಉಪಾಧ್ಯಕ್ಷ ಮಹೇಶ ಗಾಂವ್ಕರ, ಗೌರವ ಕಾರ್ಯದರ್ಶಿ ವಿಘ್ನೇಶ್ವರ ಹೆಗಡೆ, ಸದಸ್ಯ ದಿನೇಶ ಭಟ್ಟ, ಸತೀಶ ಗಾಂವ್ಕರ, ಮಾತೃ ಮಂಡಳಿ ಭಾರತಿ ಭಟ್ಟ ಮತ್ತು ಅರ್ಚಕರಾದ ರಾಮಚಂದ್ರ ಭಟ್ಟ ಈ ಸಂದರ್ಭದಲ್ಲಿದ್ದರು ಉಪಸ್ಥಿತರಿದ್ದರು.

ಕೈಗಾ-ಇಳಕಲ್ ಹೆದ್ದಾರಿ ಮೇಲೆ ನೀರಿನ ಓಟ: ಸಾರ್ವಜನಿಕರಿಗೆ ತೊಂದರೆ

ಯಲ್ಲಾಪುರ: ಕೈಗಾ-ಇಳಕಲ್ ರಾಜ್ಯ ಹೆದ್ದಾರಿ 6ರ ತೇಲಂಗಾರ-ಇಡಗುಂದಿ ನಡುವೆ, ಬೆಳ್ಳನೆಯ ಬಳಿ ಕಳೆದ ಹದಿನೈದು ದಿನಗಳಿಂದ ಡಾಂಬರು ರಸ್ತೆಯ ನಡುವೆ ನಿರಂತರವಾಗಿ ಎರಡು ಇಂಚು ನೀರು ಉಕ್ಕುತ್ತಿದೆ. ಮಳೆ ಮುಂದುವರೆದರೆ,

ಗ್ರಾಮೀಣ ಪ್ರದೇಶದ ಶಾಲಾ ಮಕ್ಕಳು ಮತ್ತು ಸಾರ್ವಜನಿಕರ ದಿನನಿತ್ಯದ ವಾಹನ ಸಂಚಾರಕ್ಕೆ ತೊಂದರೆ ಉಂಟಾಗುವ ಸಾಧ್ಯತೆಯಿದೆ. ಭಾರಿ ವಾಹನಗಳ ಸಂಚಾರದಿಂದ ಡಾಂಬರು ಕಿತ್ತು ಬೀಳುವ ಸಾಧ್ಯತೆ ಹೆಚ್ಚಾಗಿದೆ. ಈ ಸಮಸ್ಯೆಯನ್ನು ಶೀಘ್ರದಲ್ಲಿ ಪರಿಹರಿಸಲು ಸಂಬಂಧಪಟ್ಟ ಅಧಿಕಾರಿಗಳಿಗೆ ಸಾರ್ವಜನಿಕರು ಮನವಿ ಮಾಡಿದ್ದಾರೆ.