ಯಲ್ಲಾಪುರದಲ್ಲಿ ಜೆಸಿಬಿ ಚಾಲಕ ಕಾಣೆ, ಪತ್ನಿಯಿಂದ ದೂರು

ಯಲ್ಲಾಪುರ : ತಾಲೂಕಿನ ಕನ್ನಡಗಲ್ ಗ್ರಾಮದ ಅಂಗನವಾಡಿ ಕಾರ್ಯಕರ್ತೆ ನಾಗವೇಣಿ ಮೇಟಿ ಅವರ ಪತಿ ಉಮೇಶ ಮೇಟಿ ಕಳೆದ ಮೇ 25 ರಂದು ಮನೆಯಿಂದ ಹೊರಟು ಹೋಗಿ ಕಾಣೆಯಾಗಿದ್ದಾರೆ.

  ಉಮೇಶ ಮೇಟಿ ಜೆ.ಸಿ.ಬಿ ಚಾಲಕರಾಗಿದ್ದು, ಕೆಲಸ ಮುಗಿಸಿ ಮನೆಗೆ ಮರಳದೆ ಕಾಣೆಯಾಗಿದ್ದಾರೆ. ಪತ್ನಿ ನಾಗವೇಣಿ ಅವರು ವಿವಿಧೆಡೆ ಹುಡುಕಾಡಿ, ಸಂಬಂಧಿಕರನ್ನು ವಿಚಾರಿಸಿದರೂ ಯಾವುದೇ ಮಾಹಿತಿ ದೊರಕದ ಕಾರಣ ಪೊಲೀಸರಿಗೆ ದೂರು ನೀಡಿದ್ದಾರೆ.

   ಯಲ್ಲಾಪುರ ಪೊಲೀಸ್ ಠಾಣೆಯ ಪಿಎಸ್‌ಐ ಸಿದ್ದಪ್ಪ ಗುಡಿ ಈ ಪ್ರಕರಣದ ತನಿಖೆ ನಡೆಸುತ್ತಿದ್ದಾರೆ.