ಕಾಳಿ ಸೇತುವೆ ಕುಸಿತ: ನಿನ್ನೆ ನಾನು ಇದೇ ಸೇತುವೆ ಮೇಲೆ ಬಂದಿದ್ದೆ !

ಯಲ್ಲಾಪುರ: ಕರ್ನಾಟಕ ಮತ್ತು ಗೋವಾಕ್ಕೆ ಸಂಪರ್ಕ ಕಲ್ಪಿಸುವ 35-40 ವರ್ಷ ಹಳೆಯದಾದ ಕಾರವಾರ-ಸದಾಶಿವಗಡ ಸಂಪರ್ಕಿಸುವ ಕಾಳಿ ಸೇತುವೆ ಮಂಗಳವಾರ ಮಧ್ಯರಾತ್ರಿ ಕುಸಿದು ಬಿದ್ದಿದೆ. ಭಾಗ್ಯವಶಾತ್ ಯಾವುದೇ ದೊಡ್ಡ ಮಾನವ ಹಾನಿ ಸಂಭವಿಸಿಲ್ಲ.

   ಸೇತುವೆ ಕುಸಿದಿರುವ ಚಿತ್ರಗಳು ಮತ್ತು ಅದರ ಗಾಂಭೀರ್ಯತೆ ಸ್ಥಳೀಯರಲ್ಲಿ ಭಯ ಹುಟ್ಟಿಸಿದೆ. ಯಲ್ಲಾಪುರದ 55 ವರ್ಷದ ಮೆಡಿಕಲ್ ಪ್ರತಿನಿಧಿಯೊಬ್ಬರು ಸದಾಶಿವಗಡದಿಂದ ಕಾರವಾರಕ್ಕೆ ಬಸ್ಸಿನಲ್ಲಿ ಪ್ರಯಾಣಿಸುತ್ತಿದ್ದರು. ಅವರ ಪ್ರಯಾಣ ಮುಗಿದು ಕೇವಲ 12 ಗಂಟೆಗಳ ನಂತರ ಸೇತುವೆ ಕುಸಿದಿರುವುದು ದಾಖಲಾಗಿದೆ.

   ಇಂತಹ ಘಟನೆಗಳು ಜನರ ಅಳಲು ಮತ್ತು ಆತಂಕವನ್ನು ಹೆಚ್ಚಿಸುತ್ತವೆ. ಕುಸಿದ ಸೇತುವೆ ದೃಶ್ಯಗಳು ಜನರಲ್ಲಿ ಭೀತಿ ಮೂಡಿಸುತ್ತವೆ. "ನಾನು ಅಲ್ಲಿದ್ದರೆ ಏನಾಗುತ್ತಿತ್ತು" ಎಂಬ ಕಲ್ಪನೆಯಿಂದ ಜನರು ತಲ್ಲಣಗೊಳ್ಳುತ್ತಾರೆ.

    ಯಲ್ಲಾಪುರದ ಮೆಡಿಕಲ್ ಪ್ರತಿನಿಧಿ, ತಮ್ಮ ದಿನನಿತ್ಯದ ಕೆಲಸಕ್ಕಾಗಿ ಈ ಗಡಿಜಿಲ್ಲೆಗಳಲ್ಲಿ ಸುತ್ತಾಟ ನಡೆಸುತ್ತಾರೆ. ಶಿರೂರು ಗುಡ್ಡ ಕುಸಿತ ಘಟನೆ ಸಂದರ್ಭದಲ್ಲಿ, ಆರು ಗಂಟೆಗಳ ನಂತರ ಅಂಕೋಲಾದಿಂದ ಕುಮಟಾಕ್ಕೆ ತೆರಳಲು ಯತ್ನಿಸಿದರು, ಆದರೆ ಮಾರ್ಗ ಸರಿಯಾಗದೆ ಮನೆಗೆ ಮರಳಬೇಕಾಯಿತು ಎಂಬುದು ಅವರ ಅನುಭವ. "ನಿನ್ನೆ ನಾನು ಇದೇ ಸೇತುವೆ ಮೇಲೆ ಬಂದಿದ್ದೆ !" ಎಂದು ಹೇಳುತ್ತಾರೆ.

   ಕಾಳಿ ಸೇತುವೆ ಕುಸಿತದಿಂದ ಯಾತ್ರಿಕರು ಮತ್ತು ದಿನನಿತ್ಯದ ಪ್ರಯಾಣಿಕರಿಗೆ ಸಮಸ್ಯೆ ಉಂಟಾಗಿದ್ದು, ಜಿಲ್ಲಾಧಿಕಾರಿ ಸೇತುವೆಯ ಮೇಲೆ ಸಂಚಾರಕ್ಕೆ ತಡೆ ನೀಡಿದ್ದಾರೆ.