---------
ಯಲ್ಲಾಪುರ : ಪಟ್ಟಣದ ಸಂಭ್ರಮ ಕ್ರಾಸ್ ಹತ್ತಿರ ಎನ್ ಎಚ್-63 ರಸ್ತೆಯ ಮೇಲೆ ಆಗಸ್ಟ್ 11 ರಂದು ಸಂಜೆ, ಅಪಘಾತ ಸಂಭವಿಸಿದ್ದು,. ಹನುಮಂತಪ್ಪ ಭಜಂತ್ರಿ (50) ಎಂಬ ವ್ಯಕ್ತಿ ರಸ್ತೆ ಎಡಬದಿಯಿಂದ ನಡೆದುಕೊಂಡು ಹೋಗುತ್ತಿದ್ದಾಗ, ಅಂಕೋಲಾ ಕಡೆಯಿಂದ ಯಲ್ಲಾಪುರ-ಹುಬ್ಬಳ್ಳಿ ಮಾರ್ಗದಲ್ಲಿ ತೆರಳುತ್ತಿದ್ದ ಲಾರಿ ಚಾಲಕ ಚಂದ್ರಭಾನ ಚೊಂಬೆಲಾಲ ಯಾದವ (37), ಮೀರ್ಜಾಪುರ, ಉತ್ತರ ಪ್ರದೇಶ ತನ್ನ ಲಾರಿಯನ್ನು ಅತಿವೇಗದಲ್ಲಿ ಚಲಾಯಿಸಿ ಪಾದಚಾರಿಗೆ ಡಿಕ್ಕಿ ಹೊಡೆದಿದ್ದಾನೆ.
ಲಾರಿ ಚಾಲಕ ತನ್ನ ವಾಹನವನ್ನು ಅತೀ ವೇಗ ನಿಷ್ಕಾಳಜಿಯಿಂದ ಚಾಲನೆ‌ಮಾಡಿ ತಂದೆ-ಹನುಮಂತಪ್ಪ ಅವರಿಗೆ ಡಿಕ್ಕಿ ಹೊಡೆದು ಸಾವಿಗೆ ಕಾರಣನಾಗಿದ್ದಾನೆ.
ಈ ಘಟನೆಗೆ ಸಂಬಂಧಿಸಿದಂತೆ ಮೃತನ ಮಗ ನವೀನ ತಂದೆ ಭಜಂತ್ರಿ ಯಲ್ಲಾಪುರ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ಯಲ್ಲಾಪುರ ಪೊಲೀಸ್ ಠಾಣೆಯ ಪಿಐ ರಮೇಶ ಹಾನಾಪುರ ಮಾರ್ಗದರ್ಶನದಲ್ಲಿ, ಪಿಎಸ್ಐ ನಿರಂಜನ ಹೆಗಡೆ ಅವರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಿದ್ದಾರೆ.
