ಬೈಕ್ ಸವಾರನ ಮೇಲೆ ಮರದ ಟೊಂಗೆ ಬಿದ್ದು ಬೈಕ್ ಸವಾರನಿಗೆ ಗಾಯ

ಯಲ್ಲಾಪುರ : ಕಲಘಟಗಿಯಿಂದ ಯಲ್ಲಾಪುರ ಕಡೆಗೆ ಬೈಕ್ ಓಡಿಸಿಕೊಂಡು ಬರುತ್ತಿರುವಾಗ ರಾಷ್ಟ್ರೀಯ ಹೆದ್ದಾರಿ ಪಕ್ಕದ ಮರದ ಟೊಂಗೆಯೊಂದು ಬೈಕ್ ಸವಾರನ ತಲೆಯ ಮೇಲೆ ಮೇಲೆ ಬಿದ್ದ ಪರಿಣಾಮ ಗಾಯಗೊಂಡ ಆತನನ್ನು ಯಲ್ಲಾಪುರ ತಾಲೂಕ ಆಸ್ಪತ್ರೆಗೆ ದಾಖಲಾಗಿರುವ ಘಟನೆ ಮಂಗಳವಾರ ಸಂಜೆ ನಡೆದಿದೆ.

  ಗಾಯಾಳುವನ್ನು ಹೊಸಳ್ಳಿಯ ದೊಡ್ಲಾ ಹಾಲಿನ ಡೇರಿಯಲ್ಲಿ ಕೆಲಸ ಮಾಡುತ್ತಿರುವ ಕಲಘಟಗಿ ನಿವಾಸಿ ಮಾರುತಿ ಲಕ್ಷ್ಮಣ ಬಾಂದೇಕರ ಪ್ರಾಯ(44) ಎಂದು ಗುರುತಿಸಲಾಗಿದ್ದು,

ರಾಷ್ಟ್ರೀಯ ಹೆದ್ದಾರಿಯ 63ರ ಅರ್ಲಿಕೊಪ್ಪ ಗ್ರಾಮದ ಸಮೀಪ ಬರುತ್ತಿದ್ದಂತೆ ಮರದ ಟೊಂಗೆ ಬೈಕ್ ಸವಾರನ ಮೇಲೆ ಕಿತ್ತು ಬಿದ್ದಿದೆ. ಸುದೈವವಶಾತಃ ಬೈಕ್ ಸವಾರ ಹೆಲ್ಮೆಟ್ ಧರಿಸಿರುವ ಕಾರಣಕ್ಕೆ ತಲೆಗೆ ಯಾವುದೇ ಮಾರಣಾಂತಿಕವಾದ ಪೆಟ್ಟು ಆಗಲಿಲ್ಲ ಭುಜಕ್ಕೆ ಗಾಯವಾಗಿದ್ದು ತಾಲೂಕ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.

    ಯಲ್ಲಾಪುರ ಪೊಲೀಸ್ ಠಾಣೆಯ ಉಪ ನಿರೀಕ್ಷಕರಾದ ಸಿದ್ದಪ್ಪ ಗುಡಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಿದ್ದಾರೆ.