ಯಲ್ಲಾಪುರ ಪಟ್ಟಣದಲ್ಲಿ‌ ನಸೂಕಿನಿಂದಲೆ ಸುರಿಯುತ್ತಿರುವ ಬಾರಿಮಳೆ

ಯಲ್ಲಾಪುರ: ಯಲ್ಲಾಪುರ ಪಟ್ಟಣದಲ್ಲಿ ಬುಧವಾರ ನಸೂಕಿಂದ ನಿರಂತರವಾಗಿ ಮಳೆಯಾಗುತ್ತಿದೆ. ಮಂಗಳವಾರ ಸಂಜೆಯವರೆಗೆ ತಣ್ಣಗಾಗಿ ಹನಿಹನಿಯಾಗಿ ಸುರಿದ ಮಳೆ, ಬೆಳಿಗ್ಗೆ ಐದು ಗಂಟೆಯಿಂದ ಮಾತ್ರ ದೋ ಎಂದು ಸುರಿಯುತ್ತಿದೆ. 

   ಮಂಗಳವಾರ ಬೆಳಿಗ್ಗೆ 8.30ರಿಂದ ಬುಧವಾರ ಬೆಳಿಗ್ಗೆ 8.30ರವರೆಗೆ ಕಂದಾಯ ಇಲಾಖೆಯ ಮಳೆಮಾಪನದ ಪ್ರಕಾರ 50.6 ಮಿ.ಮೀ ಮಳೆಯಾಗಿದೆ. ಈ ವರೆಗೂ ಯಲ್ಲಾಪುರ ತಾಲೂಕಿನಲ್ಲಿ 1159.4 ಮಿ.ಮೀ ಮಳೆ ದಾಖಲಾಗಿದೆ.

   ನಿರಂತರ ಮಳೆಯ ಕಾರಣದಿಂದ ಜನಜೀವನಕ್ಕೆ ತೊಂದರೆ ಉಂಟಾಗಿದೆ. ಹೊಲಗಳು ನೀರಿನಿಂದ ಮುಚ್ಚಿಕೊಂಡಿವೆ ಮತ್ತು ಹಳ್ಳಗಳು ತುಂಬಿ ಹರಿಯುತ್ತಿವೆ. ಶಾಂತವಾದ ರಸ್ತೆಗಳು ಜಲಾವೃತಗೊಂಡು, ವಾಹನ ಸಂಚಾರಕ್ಕೆ ಅಡಚಣೆ ಉಂಟಾಗುತ್ತಿದೆ. ನಗರದಲ್ಲಿ ಕೆಲವು ಕಡೆಗಳಲ್ಲಿ ಬೆಳಿಗ್ಗೆಯಿಂದಲೇ ವಿದ್ಯುತ್ ಕಡಿತವಾಗಿದೆ.

   ಕಂದಾಯ ಇಲಾಖೆಯ ಮಾಹಿತಿ ಪ್ರಕಾರ, ಈ ವರೆಗೆ ಮಳೆಯ ಹಾನಿ ಕುರಿತು ಯಾವುದೇ ಪ್ರಮುಖ ವರದಿ ಲಭ್ಯವಿಲ್ಲ ಎಂದಿದ್ದಾರೆ.

   ಮುಂದಿನ ದಿನಗಳಲ್ಲಿ ಈ ಭಾಗದಲ್ಲಿ ಇನ್ನಷ್ಟು ಮಳೆ ಬೀಳುವ ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ. ರೈತರು ಮತ್ತು ಸಾಮಾನ್ಯ ನಾಗರಿಕರು ಮುಂಜಾಗ್ರತಾ ಕ್ರಮಗಳನ್ನು ಕೈಗೊಳ್ಳಬೇಕೆಂದು ಸಲಹೆ ನೀಡಲಾಗಿದೆ.