ಲಿಂಗನಕೊಪ್ಪ ಶಾಲೆಯ ಬಳಿಯ ಕದ್ದ ಶ್ರೀಗಂಧದ ಗಿಡದ ಬುಡವನ್ನು ವಶಕ್ಕೆ ಪಡೆದ ಅರಣ್ಯ ಇಲಾಖೆ

ಯಲ್ಲಾಪುರ: ಲಿಂಗನಕೊಪ್ಪ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಬಳಿಯ ಗಂಧದ ಮರವನ್ನು ಕತ್ತರಿಸಿ ಕಳ್ಳತನ ಮಾಡಿದ ಘಟನೆ ಶನಿವಾರ ರಾತ್ರಿ ಮತ್ತು ರವಿವಾರ ಬೆಳಗಿನ ಮಧ್ಯ ಅವಧಿಯಲ್ಲಿ ನಡೆದಿದೆ. ಬೆಳಿಗ್ಗೆ ಸ್ಥಳ ಪರಿಶೀಲನೆ ನಡೆಸಿದ್ದ ಅರಣ್ಯ ಇಲಾಖೆ ಅಧಿಕಾರಿಗಳು, ಸಂಜೆ ಸ್ಥಳಕ್ಕೆ ಧಾವಿಸಿ, ಕತ್ತರಿಸಿದ ಶ್ರೀಗಂಧದ ಗಿಡದ ಬುಡವನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.

 

  ಶ್ರೀಗಂಧದ ಗಿಡ ಸುಮಾರು 10 ರಿಂದ 12 ವರ್ಷದಷ್ಟು ವಯಸ್ಸಿನದು ಅತ್ಯಂತ ಬೆಲೆ ಬಾಳುವದಾಗಿದೆ. ಇಲಾಖೆಯು ಈ ಗಿಡದ ಬುಡವನ್ನು ಮೇಲೆತ್ತಲು ಮಿನಿ ಜೆಸಿಬಿಯನ್ನು ಬಳಸಿದ್ದರು, ಕತ್ತರಿಸಲಾಗಿದ್ದ ಶ್ರೀಗಂಧದ ಮರದ ಬೇರು ಕಾಂಡವನ್ನು ವಶಕ್ಕೆ ಪಡೆದುಕೊಂಡಿತು. ಈ ಸಂದರ್ಭದಲ್ಲಿ, ಅರಣ್ಯ ಇಲಾಖೆ ಅಧಿಕಾರಿಗಳು ಸ್ಥಳದಲ್ಲಿದ್ದರು.